Apeli rrëzon PD për pavlefshmërinë e mandateve të këshilltarëve të PS
Gjykata e Apelit Administrativ në Tiranë ka vendosur ditën e sotme që të rrëzojë Partinë Demokratike për pavlefshmërinë e gjashtë mandateve të këshilltarëve të majtë në Bashkinë e Tiranës. Vendimi i Apelit Administrativ është shpallur ditën e djeshme dhe rrëzon vendimin e Shkallës së Parë që e kishte marrë në konsideratë këtë kërkesë, duke e cilësuar si të pabazuar në ligj dhe në prova. Kujtojmë se grupi i këshilltarëve të djathtë në Këshillin Bashkiak të Tiranës kishte bërë padi për shpalljen e pavlefshme të 6 mandateve të këshilltarëve të majtë që zëvendësuan ata, që u kandiduan dhe hynë si deputetë të majtë në zgjedhjet e 25 qershorit 2017. Bëhej fjalë për mandatet e Elona Hoxhës, Elisa Spiropalit, Klotilda Bushakës, Kozeta Finos dhe Maria Myridinas dhe Loida Kërpacit. Këta u zëvendësuan nga Abdyl Saraja, Eni Pëllumbi, Liri Jani, Gerta Pëllumbi, Laureta Sinanaj dhe Genta Mezini. Vendimi u shpall ditën e djeshme me relatore Bernina Kondin. Gjykata e Apelit Administrativ vendosi: Ndryshimin e vendimit nr. 267, datë 02.02.2018 të Gjykatës Administrative të Shkallës së Parë Tiranë. Rrëzimin e kërkesë padisë, si të pabazuar në ligj dhe në prova. Më 2 shkurt 2018, Gjykata Administrative shpalli të pavlefshëm mandatet e 6 anëtarëve të Këshillit të Bashkiak të Tiranës. Ata e morën mandatin si zëvendësues të këshilltarëve të majtë që u zgjodhën deputetë në zgjedhjet e 25 qershorit. Për PD- në, zëvendësimi i tyre ishte i paligjshëm. Padia e PD- së në Administrative erdhi në një kohë kur debatohej fort ng- KËSHILTARË të majtë në Këshillin Bashkiak të Tiranës u zëvendësuan me të tjerë pas zgjedhjes si deputetë në zgjedhjet e 25 qershorit 2017 ritja e çmimit të ujit të pijshëm, e cila u miratua edhe me rrjedhjen e disa votave nga këshilltarë të LSI- së. Për këtë arsye, grupi i këshilltarëve të djathtë në Bashkinë e Tiranës kërkoi nga Administrativja që të rrëzohen edhe një sërë vendimesh të marra në këshill me votat e këtyre mandateve.