DEKLARATA E HARADINAJT PËR VIZAT
Kryeministri i Kosovës, Ramush Haradinaj, pasi uroi popullin për rekomandimin pozitiv, tha se: “Kosova mori lajmin e shumëpritur për hapjen e rrugës drejt lëvizjes së lirë dhe përafrimit me familjen e madhe europiane!... Duke qenë të vetëdijshëm për sfidat, do ta intensifikojmë luftën kundër korrupsionit dhe krimit të organizuar dhe fuqizimin e vazhdueshëm të sundimit të ligjit... Liberalizimi për Kosovën do të diskutohet deri në fund të gushtit në Parlamentin Europian, kurse i tërë procesi pritet të përmbyllet deri në fund të vitit”. vizave për Kosovën në Parlamentit Europian, Tanja Fajon, duke uruar kosovarët për marrjen e rekomandimit pozitiv për liberalizimin e vizave. “Punë e shkëlqyer! Urime miqtë e mi...”, ka shkruar me të tjerash Fajon. Ndërsa komisioneri i BE- së për Migrim, Çështje të Brendshme dhe Shtetësi, Dimitris Avramopoulos, tha se: “Pas shumë vitesh e muajsh përpjekje dhe pune të madhe, Komisioni tashmë konfirmon se Kosova i ka përmbushur të gjitha standardet për liberalizimin e vizave. Tani, ne inkurajojmë Këshillin dhe Parlamentin Europian që të lëvizin përpara me propozimin tonë. Unë vërtet shpresoj se jemi shumë pranë një regjimi pa viza për të gjithë rajonin, i cili do të vendoset shumë shpejt”. Ai shtoi se “Lëvizja pa viza tash varet nga Parlamenti dhe Këshilli Europian”. Në konferencën e Brukselit, ku u dha rekomandimi pozitiv për vizat, ka folur edhe Presidenti i Kosovës, Hashim Thaçi, i cili tha se Kosova e ka merituar rekomandimin për heqjen e vizave. Komisioneri për zgjerim i BE- së, Johannes Hahn, pasi uroi Kosovën për rekomandimin pozitiv të Komisionit Europian për liberalizimin e vizave, shkroi në “Twitter” se shpreson që shtetet anëtare dhe Parlamenti Europian të vendosin sa më shpejt që të jetë e mundur për heqjen e vizave për Kosovën. “Tani është në dorën e shteteve anëtare dhe Parlamentit Europian për të vendosur për lëvizjen e lirë për Kosovën. Shpresoj që kjo të ndodhë sa më shpejt”, ka shkruar Hahn.