Rama nxjerr foto nga rrënimi i Teatrit, zbulohet projekti me 68 mijë m2 kulla 17- 21 katëshe
Çarje dhe zgavra të thella në faqen anësore të ndërtesës 80- vjeçare
“Me sa mend në kokë mund të luftohet për ta ruajtur?”. Kjo është pyetja, me të cilën Kryeministri Edi Rama ka shoqëruar disa fotografi që tregonin një prej faqeve anësore, të rrënuara, të Teatrit Kombëtar.
Hapja e rrugës për në godinën e re të Kontrollit të Lartë të Shtetit ka “zbuluar” një nga ato faqet më pak të ekspozuara ndaj syrit të publikut. Kryeministri Rama ka publikuar disa fotografi, që tregojnë çarje dhe zgavra në faqen anësore të ndërtesës së ngritur 80 vjet më parë. Ajo anë e ndërtesës është aq e amortizuar sa që mund të shohësh lehtësisht materialin populit, me të cilin është ndërtuar godina. Një material që konsiderohej modern për kohën. Fotografitë janë shoqëruar edhe me një koment të Ramës në “Intagram”: “Me sa mend në kokë mund të luftohet për ta ruajtur?”. Kjo nuk është hera e parë që publikohen fotografi që dëshmojnë amortizimin e godinës së Teatrit Kombëtar. Përveç kronikave të herëpashershme që kanë qenë një kambanë alarmi, që në atë godinë të investohej, një seri fotografish nga ambientet e brendshme të ndërtesës janë shfaqur edhe gjatë muajit mars, me rastin e prezantimit të projektit të ri, propozuar nga arkitekti Bjarke Ingels, në ambientet e COD, në Kryeministri. Ishte dita kur Kryeministri Rama deklaroi se godina e TK do të shembej, madje se ky “Europa Nostra”, një nga organizmat më të rëndësishëm në fushën e trashëgimisë kulturore, i ka kërkuar Kryeministrit shqiptar, Edi Rama, të rishikojë vendimin për shembjen e Teatrit Kombëtar. Përmes një letre të firmosur nga presidenti ekzekutiv, prof. dr. Hermann Parzinger, thuhet se ndërtesa e TK- së “është një shembull i shkëlqyer i arkitekturës moderne italiane nga kjo periudhë kohore” dhe përbën “një pikë kulmore në zhvillimin e urbanistikës së Tiranës”. “Ne nuk pajtohemi me mendimin se kjo ndërtesë ka pak ose aspak vlerë historike, kulturore apo sociale. Përkundrazi, “Europa Nostra” beson se vlera e spikatur europiane e kësaj prone publike tejkalon çdo përfitim afatshkurtër që mund të vijë nga shkatërrimi i saj”, thuhet në këtë letër, e cila është e dyta kërkesë nga një organizëm i rëndësishëm ndërkombëtar pas “Docomomo International”. “E kuptojmë nevojën që ka kryeqyteti shqiptar për një teatër të ri, që plotëson standardet ndërkombëtare, ne nuk mund të mbështesim asnjë propozim që shkatërron teatrin ekzistues. Ne i kërkojmë qeverisë shqiptare, Bashkisë Tiranë, Ministrisë së Kulturës, si edhe të gjithë palëve të tjera të përfshira, të rikonsiderojnë vendimin e tyre për të shembur këtë monument europian dhe të shqyrtojnë mundësinë të ofrojnë, të paktën, rinovimet më bazike, për ta sjellë Teatrin aktual në standarde”, thuhet në letër. proces ka vonuar. Kryeministri i qëndroi vendimit të tij, edhe në përurimin e qendrës “Turbina”. Në fjalën e tij, Rama tha se godina e TK- së, e ndërtuar për të qenë e përkohshme si një “vatër kulture” italo- shqiptare, e ka kryer funksionin e saj dhe e “ka humbur bastin me kohën”. Rama premtoi një teatër të ri, dinjitoz për emrin “kombëtar”, që do të ndërtohet me partneritetin publik- privat, një eksperiencë, që, sipas tij, ka rezultuar e suksesshme në vende të tjera.