Artistët, letër Brukselit për Teatrin
Aleanca për Mbrojtjen e Teatrit u dërgoi një letër pak ditë më parë zyrtarëve europianë Johannes Hahn, Federica Mogherini dhe Romana Vlahutin, ku kundërshtohet juridikisht projektligji i miratuar të enjten e kaluar në Parlament për çështjen e Teatrit. Sipas artistëve, ky ligj shkel parimin kushtetues të “Barazisë përpara ligjit”, përcaktuar në Nenin 18 të Kushtetutës. Së dyti, me këtë ligj shkelet parimi i sanksionuar në nenin 4 pika 1 të Kushtetutës: “E drejta përbën bazën dhe kufijtë e veprimtarisë së shtetit”. Së treti, kjo formë veprimtarie ekonomike e parashikuar kështu në këtë ligj, vjen në kundërshtim me standardet e Bashkimit Europian dhe konkretisht me Marrëveshjen e Stabilizim- Asociimit. “Letra është një kërkesë- shqyrtim nga Aleanca për Mbrojtjen e TK, drejtuar Bashkimit Europian nëpërmjet ambasadores Vlahutin. Ne bëjmë një shqyrtim juridik se si ligji i kaluar në Parlament të enjten e kaluar është krejtësisht në kundërshtim nga ana juridike me marrëveshjen e Stabilizim- Asociimit. Pritshmërinë i kemi shumë të larta, sepse edhe BE duhet patjetër të mbajë një qëndrim ndaj një qeverie dhe maxhorance, i cili është në kundërshtim me atë që ata kanë rënë dakord”, u shpreh aktori Neritan Licaj. sqaroni se cilat ishin kriteret e përzgjedhjes së kompanisë private, që e drejtoi këtë projekt? A ishte vetëm fakti se ai ka titull ligjor mbi një tokë dhe një ndërtesë ( selinë e kompanisë së tij) në një zonë pranë Teatrit? Nëse po, ju lutem shpjegoni se si këto kritere përzgjedhëse sigurojnë që parimet bazë të prokurimit publik ( trajtimi i barabartë, mosdiskriminimi dhe konkurrenca) janë ndjekur?”, thuhet në letrën që vjen nga Brukseli.