7 KËRKESAT E PARTISË DEMOKRATIKE PËR KONSENSUSIN
1. Ti qëndrojmë besnik konsensusit të 21 dhe 22 korrikut 2016. Zhbërjen e të gjitha ligjeve që janë miratuar në mënyrë të njëanshme për Reformën në Drejtësi.
2. Zgjidhja e situatës së paligjshmërisë në organin e Prokurorisë, ku paligjshmëria ka kapluar gjithë piramidën e prokurorëve, duke i dhënë fund kapjes politike të Prokurorit të Përgjithshëm, i cili ka bërë emërime politike, siç është emërimi në Prokurorinë e Krimeve të Rënda dhe në prokurori të tjera të vendit.
3. Zgjidhja e situatës së paligjshmërisë në procedurën e përzgjedhjes së anëtarëve të jashtëm të KLGJ- së e KLP- së duke eliminuar nga gara të gjithë kandidatët që nuk plotësonin kriteret kushtetuese ligjore apo ishin përjashtuar nga OMN- ja dhe duke përsëritur procedurën e zgjidhjes. Një proces administrativ që është bërë në kundërshtim me ligjin dhe sipas ligjit është absolutisht e pavlefshme.
4. Zgjidhja urgjente e ngërçit të krijuar në Gjykatën Kushtetuese. duke evidentuar mekanizmat e duhura kushtetuese dhe ligjore që kjo gjykatë të jetë plotësisht funksionale. Përsa kohë që vendi nuk ka Gjykatë Kushtetuese, vendi është në një gjendje defakto dhe dejuro të grushtit të shtetit.
5. Zgjidhja urgjente e krijuar nga ngërçi i zgjatjes së periudhës tranzitore dhe gjetja e mekanizmit të duhur ligjor, që të ngrihet sa më shpejt KLGJ dhe KLP sipas Kushtetutës në mënyrë që të fillojë menjëherë procesi i përzgjedhjes dhe funksionimit të SPAK dhe BKH.
6. Ecuria normale sipas Kushtetutës dhe sipas ligjeve të procesit të vetingut. Ndërprerja e menjëhershme e ndërhyrjes politike në proces nga ana e maxhorancës dhe siç u thashë në fillim ka sjellë deri tani një proces të deformuar ku disa trajtohen si të Edi Ramës dhe disa si të njerkut. Për të njëjtën shkelje dikush mbahet në detyrë dhe dikush largohet nga detyra.
7. Një komisioni koordinimi siç e parashikonte Kushtetuta duhej të ishte ngritur më shumë se para një viti që të jetë i balancuar dhe i paanshëm për të mbikëqyrur konstituimin e organeve të reja të drejtësisë.