Zjarret në Europën me temperatura rekord dhe thatësira ekstreme
Zjarret nuk kanë përfshirë vetëm Greqinë, por për shkak temperaturave të larta dhe thatësisë, edhe shumë vende të tjera të Europës. Mbrojtja civile në Suedi njoftoi se ka identifikuar 27 zjarre aktive rreth vendit, ndërkohë që temperaturat janë ngritur në 35 gradë Celsius këtë javë. Franca, Italia dhe Gjermania kanë dërguar avionë, kamionë dhe zjarrfikës për të ndihmuar me situatën në Suedi, ku zakonisht temperaturat në verë nuk i kalojnë 23 gradë Celsius. Suedia po përballet edhe me thatësira të paprecedente, nuk ka rënë shi që në muajin maj. Rreth 25 mijë hektarë janë djegur, apo një sipërfaqe sa dyfishi i qytetit të Parisit. Të paktën katër zjarre janë ende aktivë dhe kushtet e motit janë të pafavorshme. Vlera e shkatërrimit të pyjeve ka kapur shifrën 87 milionë eurove. Por edhe vende të tjera të Eu- ropës Veriore po përballen në flakë pyjore. Në provincën veriore të Finlandës, Lapland, zjarret kanë djegur drurë dhe fusha deri afër kufirit me Rusinë. Norvegjia, e cila ka arritur temperatura rekord këtë vit, është përballur me vatra zjarri, të cilat kanë marrë jetën e një zjarrfikësi. Zjarret kanë përfshirë edhe Letoninë, ku kanë shkatërruar më shumë se 800 hektarë. Ne Gjermani janë paralajmëruar rreziqe potenciale për vatra zjarri për shkak të thatësisë dhe temperaturave të larta. Po ashtu, Britania është përballuar me temperatura rekord dhe vendi ësh- të në gatishmëri. Edhe në Holandë, Instituti Kombëtar për Shëndetin Publik ka paralajmëruar nga temperaturat rekord dhe nga vala e të nxehtit për një javë. Dymbëdhjetë ura në Amsterdam janë mbyllur nga temperaturat ekstreme, të cilat mund të ndikojnë në metalin e urave.