Nga gjarpërinjtë te Fronti i Lagjes, Rama e Basha batuta në FB për vetingun
Aleks Soros: Fantastike të kaloj pak kohë me Edi Ramën
Partia Demokratike akuzoi dje Kryeministrin Rama se po bllokon emërimin e gjyqtarit shqiptar në Gjykatën e Strasburgut.
Këshilltari ligjor në PD, Gazmend Bardhi tha dje nga selia blu se po shpërblen Fondacionin SOROS për ndihmën që i ka dhënë, duke dërguar si kandidat alternativ drejtuesin e tij. "Edi Rama po shpërblen edhe Fondacionin SOROS për ndihmën e vyer, që i dha për projektin e kapjes politike të sistemit të drejtësisë. Kandidati tjetër alternativ që propozon qeveria shqiptare për gjyqtar në Strasburg është Darien Pavli. Si drejtues i SOROS, ka qenë koordinator i Sekretariatit Teknik që ndihmoi Edi Ramën dhe Fatmir Xhafën të hartonte paketën ligjore të kapjes së drejtësisë. Nëpërmjet dërgimit në Gjykatën e Strasburgut të personave të besuar dhe të kontrolluar prej tij, Edi Rama kërkon t'i përdorë ata si kamikazë në vendimmarrje të rëndësishme kundër interesave të qytetarëve shqiptarë, siç janë çështjet për respektimin e të drejtave themelore të njeriut në përgjithësi dhe të drejtës së pronës në veçanti", u shpreh Bardhi. Përfaqësuesi i PD- së akuzoi kreun e qeverisë se insiston në kandidaturën e Sokol Berberit dhe pse ai është refuzuar disa herë nga Këshilli i Europës. "Pavarësisht refuzimit disa herë nga Këshilli i Europës të standardit të përzgjedhjes politike dhe korruptive të kandidatëve për gjyqtarë, Edi Rama nuk heq dorë. Për të pestën herë propozon si kandidat për gjyqtar në Strasburg kunatin e Fatmir Xhafës, Sokol Berberin, që është refuzuar me votë disa herë nga Këshilli i Europës dhe i është shmangur vetingut. Partia Demokratike i konsideron kandidaturat e propozuara nga Qeveria për në Gjykatën e Strasburgut si kandidatura tërësisht nën kontrollin e Edi Ramës dhe të përzgjedhura në një proces të korruptuar politikisht", u shpreh Bardhi.
TAKIMI
Djali i miliarderit George Soros, Alex Soros, ka vizituar bregdetin shqiptar të Jugut. Aleksandër Soros ka publikuar edhe një foto në "Instagram" me Kryeministrin Edi Rama. Në një postim në "Instagram", Soros shkruan se është shumë i lumtur që po kalon kohë me Ramën. "Fantastike të jem sërish në Shqipëri dhe të kaloj pak kohë me Kryeministrin Edi Rama, njeriun më vizionar dhe të diskutojmë mbi progresin e Shqipërisë drejt integrimit europian dhe bash- këpunimit rajonal", shkruan ai në "Instagram". Duket se takimet mes kreut të qeverisë shqiptare dhe djalit të Xhorxh Sorosit mbajnë një trend të rregullt. Herën e fundit ata janë takuar në Nju Jork kur Kryeministri Rama mori pjesë në Asamblenë Parlamentare të OKB- së. Edhe atëherë lajmi u bë i njohur nga djali i filantropit kontrovers, Alex Soros. Ai a ka përshkruar me entuziazëm takimin me Ramën dhe madje thotë se është i joshur nga veshja e tij. "Gjithmonë është një kënaqësi të takosh Kryeministrin shqiptar, Edi Rama. Një rilindës, i cili është bërë simboli i demokracisë liberale në Shqipëri dhe gjithashtu një artist i njohur botërisht. Për të mos përmen- dur që është i vetmi Kryeministër që mban veshur Tshirt të Michael Jordan në takimet zyrtare, edhe pse jam një fans i përjetshëm i Knicks, nuk kam asgjë personale, përveç respektit", shkruan djali i Soros.