Veliaj flet për sabotim, Meta: Në plan të parë interesi kombëtar
“Ato bazohen vetëm në Kushtetutën e vendit, në marrëveshjet ndërkombëtare ku ne jemi palë, që janë të detyrueshme”
Presidenti Ilir Meta nuk preferoi dje t’u përgjigjej qëndrimeve të kryetarit të Bashkisë së Tiranës, Erion Veliaj, për mosdekretimin e ligjit për Teatrin Kombëtar.
Gjatë një komunikimi me gazetarët nga Bashkia Pustec, Presidenti i kujtoi cilitdo që ka kontestime që të gjejë përgjigjet e tij në argumentimin ligjor që i dha mosdekretimit të ligjit. Në një kohë kur institucionet kryesore të sistemit të drejtësisë janë në kushtet e mosfunksionimit, Presidenti Ilir Meta shprehet për herë të parë për ligjin e Magjistraturës, duke kërkuar dialog politik. Meta tha nga Pusteci se nxitja e konflikteve nuk i shërben implementimit të Reformës në Drejtësi. Kreu i shtetit nga ana tjetër shprehu keqardhje se dy muaj pas Vendimit të Këshillit të Ministrave të Jashtëm të BE- së për negociatat, ende nuk ka vullnet të përbashkët për të lexuar në mënyrë objektive kërkesat, në mënyrë që, siç u shpreh ai, mos të kërkojnë përsëri fajtorë qershorin e ardhshëm për çdo dështim në të ardhmen.
Pas mosdekretimit të ligjit mbi Teatrin, ka ardhur reagimi i disahershëm i kryebashkiakut Veliaj. Ai thotë se pas dyzet ditësh maxhoranca do ta rivotojë këtë ligj. A keni një koment?
Nuk kam asnjë koment, përveç faktit se cilido që ka kontestime apo vërejtje për kthimin e ligjit, e ftoj që t’i referohet gjithmonë faqes zyrtare të Presidentit të Republikës, pasi jam i sigurt që argumentet, të cilat janë dhënë nga Institucioni i Presidentit, bazohen vetëm në Kush- tetutën e Republikës së Shqipërisë, në marrëveshjet ndërkombëtare ku ne jemi palë dhe të cilat janë të detyrueshme për t’u zbatuar, dhe padyshim në të gjithë legjislacionin tonë në fuqi dhe gjithmonë duke vënë në plan të parë interesin tonë kombëtar dhe publik.
Shkolla e Magjistraturës duket sikur ka ndezur një tjetër luftë politike në vend. Partia Demokratike është kundër, ndërsa Partia Socialiste kërkon miratimin e saj?
Unë jam i bindur se nxitja e konfliktit as nuk i ka shërbyer deri më tani Reformës në Drejtësi dhe as nuk do t’i shër- bejë në të ardhmen. Vendi ka nevojë për një Reformë në Drejtësi, e cila bazohet fort te pavarësia e institucioneve të reja të drejtësisë, te integriteti i krijimit të tyre. Dhe në këtë drejtim, unë inkurajoj vetëm dialogun për të zgjidhur çdo çështje në mënyrën më transparente dhe me integritet.
Vetingu e ka lënë vendin pa Gjykatë Kushtetuese, madje për të mos thënë, edhe pa Gjykatën e Lartë? Ku po shkojmë kështu?
Besoj se duhen të ndërmerren sa më parë të gjitha ato hapa, që përforcojnë efektet pozitive të Reformës në Drejtësi, por pa krijuar kurrsesi boshllëk apo paralizë të in- stitucioneve më të rëndësishme të drejtësisë.
Ndërkombëtarët kanë bërë me dije se pa një Reformë Drejtësie të çuar deri në fund, nuk mund të ketë negociata në qershorin e vitit të ardhshëm? A jemi të gatshëm ne për ta çuar këtë reformë deri në fund?
Është për të ardhur keq që po kalojnë dy muaj nga përfundimet e fundit të Këshillit të Ministrave të Jashtëm të Bashkimit Europian dhe ende nuk ka një vullnet të përbashkët për të lexuar në mënyrë objektive të gjitha ato kërkesa, të cilat vendi duhet të plotësojë në mënyrë që mos të kërkojnë përsëri fajtorë qer- shorin e ardhshëm për çdo dështim në të ardhmen.
Duke qenë mbi palët, ju keni një sugjerim për Reformën në Drejtësi, për klasën tonë politike? Çfarë do t’i sugjeronit?
Jam i bindur se reforma mund të ecë përpara vetëm kur të gjithë të përpiqen të re-
Nuk kam asnjë koment, përveç faktit se cilido që ka kontestime apo vërejtje për kthimin e ligjit, e ftoj që t’i referohet gjithmonë faqes zyrtare të Presidentit të Republikës, pasi jam i sigurt që argumentet, të cilat janë dhënë nga Institucioni i Presidentit, bazohen vetëm në Kushtetutën e Republikës së Shqipërisë
spektojnë Kushtetutën, frymën e Kushtetutës dhe njëkohësisht larg çdo tentative për ta politizuar atë në ekstrem, pasi çdo cenim i integritetit të ecurisë së krijimit të institucioneve të reja nuk i shërben besueshmërisë dhe efektshmërisë së kësaj reforme.