Raporti i DASH, Ahmetaj: S'ka më koncesione të pakërkuara
Shqetësimet e ngritura për koncesionet në raportin e Departamentit Amerikan të Shtetit kanë ndezur debate të ashpra mes opozitës dhe maxhorancës. Raporti i DASH- it për klimën e investimeve në Shqipëri kritikon projektet e investimeve me partneritet publik- privat dhe ngre si shqetësim risqet financiare të këtyre projekteve. Kryetari i Partisë Demokratike, Lulzim Basha, tha se kritika e raportit të DASH- it, dëshmon se ekonomia po vdes për shkak të plaçkitjes që po i bën Kryeministri Rama dhe oligarkët. Në një reagim në rrjetet sociale, kreu i opozitës tha se raporti vërtetoi akuzat e Partisë Demokratike për qeverisjen e Ramës në këto 5 vjet. "Raporti ka nota negative për çdo aspekt të klimës së biznesit dhe qeverisjes, por fakti më i rëndë që dëshmon nivelin KRIMINAL të qeverisë Rama në ekonomi është pohimi se investitorëve të huaj Edi Rama u bën shantazh të bashkëpunojnë me klientët e tij ose përndryshe nuk kanë shans të investojnë. Duket se plaçkitja e Shqipërisë dhe shqiptarëve nuk i ka mjaftuar Edi Ramës, ndaj kërkon të grabisë edhe amerikanët, europianët dhe këdo që kërkon të bëjë biznes në Shqipëri. Ekonomia shqiptare po vdes përditë si pasojë e plaçkitjes dhe shkatërrimit nga Edi Rama dhe një grusht oligarkësh, me të cilët ai ndan qindra miliona. Tashmë është e qartë se i vetmi qëllim dhe i vetmi motivim i Edi Ramës për pushtet, është pasurimi përrallor", u shpreh kryetari i PD- së, Basha. Më pas, Kryeministri Edi Rama iu përgjigjur akuzave të Partisë Demokratike për raportin e Departamentit Amerikan të Shtetit. Në reagimin e tij në rrjetet sociale, Kryeministri Rama theksoi se "Do s'do ajo seli, plagët po luftohen si kurrë më parë. "Selia e Përkthimeve të Gabuara e di raportin vjetor të Departamentit të Shtetit për 170 vende, ferman kundër qeverisë. Do luftë kundër korrupsionit e lufton Vetingun. Do pushtetin e thotë kur ishim më keq, ishim më mirë. Po do s'do ajo seli, plagët po luftohen sot si kurrë më parë", u shpreh Kryeministri Rama në rrjetet sociale.