Përcillet Hajdaraga, Majko: La gjëra që vlen të kujtohet
Servet Pëllumbi: Luani ka qenë një personalitet i rëndësishëm i PS dhe i kombit
Luan Hajdaraga u përcoll dje për në banesën e fundit mes nderimeve zyrtare.
Në nderim të figurës së ishdeputetit të Kuvendit të Shqipërisë, ish- ministrit të Mbrojtjes Luan Hajdaraga, Kuvendi i Shqipërisë organizoi homazhe për dy orë në sallën e seancave plenare, ku morën pjesë shumë personalitete të njohura të politikës. Nuk munguan figurat më të larta të shtetit, Presidenti Meta, kryetari i Kuvendit Ruçi, Kryeministri Rama, deputetë, zyrtarë, themelues të PS- së dhe bashkëpunëtorë me Hajdaragën në vite. Nuk munguan dhe qytetarë të thjeshtë që bënë homazhe në nderim të ish- drejtuesit të lartë të PS- së. Edhe opozita mori pjesë në homazhe. Në emër të PD- së, ishin Tritan Shehu dhe kryetari i grupit Parlamentar, Edmond Spaho. Ministrja e Mbrojtjes, Olta Xhaçka, mbajti fjalën e rastit, duke vlerësuar kontributin e paraardhësit të saj në këtë ministri. “Nuk e mendoja kurrë që do e përcillnim kaq shpejt mikun dhe kolegun tonë. Hajdaraga kontriboi dhe drejtoi me aftësi të rralla institucione të arsimit dhe të shkencës shqiptare. Hajdaraga drejtoi MM në ato vite të vështira ku luhej fati i shqiptarëve, fati i Kosovës. Luan Hajdaraga është një rast i rrallë ku bashkohen në një të vetëm profesori, shkencëtari, politikani, legjislatori dhe shtetari. Do ta kujtojmë si bashkëthemelues dhe nënkryetar i PS- së në kohët më të vështira”, tha Xhaçka në fjalën e rastit. Servet Pëllumbi, i cili ka ndarë drejtimin e Partisë Socialiste me Luan Hajdaragën kur Fatos Nano ishte në burg, vlerësoi kontributin e ish- nënkryetarit të PS- së. “Luani ka qenë një personalitet i rëndësishëm i PS- së dhe i kombit sepse ka kontribute të vyera që mbeten të paharruara”, u shpreh shkurt Pëllumbi. Ndërsa ish- Kryeministri socialist, Pandeli Majko gjatë kohës që Hajdaraga ishte ministër i Mbrojtjes, tha se ai ka lënë gjëra që vlen të kujtohet. “Është mbi të gjitha një njeri, një njeri shumë i veçantë dhe një njeri që për secilin ka lënë gjëra që vlen të kujtohen. Për mua, kjo ka të bëjë me cilindo, i cili në një mënyrë apo tjetër kalon kufirin midis jetës dhe vdekjes. Do të na presë edhe ne të tjerëve për të na kërkuar llogari. Kur kam qenë Kryeministër dhe Luani ministër i Mbrojtjes, edhe në momentet më kritike, më delikate kur qëllonte të ngrija zërin dhe për arsye të situatës, ishte ai që na qetësonte: Do rreg- ullohet, do zgjidhet, do bëhet, ky ishte Luani”, u shpreh Majko. Kryetarja e LSI- së, Monika Kryemadhi, e përlotur, kujtoi kohën si është njohur me Luan Hajdaragën. “E kam takuar Luanin kur kam qenë fëmijë. Luani më ka inkurajuar në shumë gjëra. Hajdaraga solli ndryshim në PS. Ikja e parakohshme, e dhimbshme, do na mungojë shumë të gjithëve, por më së shumti PS- së. Sot jemi këtu për të thënë vlerat që ka Luani, e klasës politike po i largohen”, u shpreh Kryemadhi. Ish- ministrja e Jashtme, Arta Dade, vlerësoi vetëpërmbajtjen e Hajdaragës. “Luani kishte cilësi të rralla, kërkonte që çdo gjë të zgjidhej me kompromis dhe me mirësi dhe gjithmonë ka qëmndruar larg konfliktualitetit. Kur isha ministre e Jashtme e nisja ditën me Luanin me kafen e mëngjesit kur ai ishte zv. ministër dhe bënim axhendën e ditës”, tha Dade.