Shkeljet me pronat, kallëzohet ish- drejtuesi i Tiranës
Raporti i KLSH: U regjistruan 197 prona me shkelje në dy vjet
Kontrolli i Lartë i Shtetit kallëzoi në Prokurori ishregjistrin e Tiranës, L. B, tre përgjegjës sektori dhe dy specialistë të Zyrës së Regjistrimit të Pasurive të Paluajtshme në Tiranë. Kontrolli i Lartë i Shtetit nga auditi i ushtruar në këtë institucion për periudhën korrik 2015 deri në dhjetor 2017 konstatoi 197 raste abuzive të regjistrimit të pronave. Nga ky auditim u konstatuan shkelje të dispozitave ligjore, për të cilat KLSH ka kryer kallëzim penal në Prokurori për L. B ish- regjistrues, B. C, B. H dhe R. M ishpërgjegjës sektori dhe B. S e S. SH me detyrë specialistë, për konsumim të elementëve të veprës penale të “Shpërdorimit të detyrës”. KLSH konstatoi se janë kryer regjistrime të pasurive pa dokumentacionin e duhur ligjor, me dokumente të parregullta AMTP për sipërfaqen prej 290873 metra katrorësh. KLSH akuzon se zyrtarët e Hipotekës kanë kryer edhe ndryshime zëri kadastral nga rrugë, përrenj në truall për sipërfaqe 7090 metra katrorë, regjistrim pasuri shtetërore ( të privatizuar) pa arkëtuar qira trualli me dëm ekonomik vlerë 11,580 mijë lekë, pa dokumen- tacionin ligjor, moskufizime pronash të paligjshme me vendim gjykate e KVTPP Tiranë për sipërfaqe 24100 m2, si dhe kanë shmangur procedurat ligjore për arkëtimin e vlerës 70, 4 milionë lekë, të ardhura këto të munguara për buxhetin nga mospagesa e taksës së regjistrimit për ambientet e përbashkëta. Refer- uar auditit të KLSH- së, abuzime me pronat janë gjetur në 197 raste. Konkretisht në 4 raste, janë regjistruar pasuri të paluajtshme dhe janë kryer transaksione, duke mos zbatuar kërkesat ligjore, pasi për një trung familjar janë lëshuar 2 e më shumë AMTP, duke shkelur kriterin e ndarjes së tokës sipas normës për frymë të çdo fshati, për rrjedhojë, nga regjistrimi i tyre kanë përfituar më tepër tokë sipërfaqe në total 50150 metra katrorë se sipërfaqja takuese sipas normës për frymë, bazuar në përbërjen familjare me 01.08.1991 po ashtu në 7 raste janë regjistru- ar pasuri për 2100 m2 truall dhe 859 m2 ndërtim, në zonën kadastrale 2884. Në raport evidentohen edhe 56 raste me shkelje për regjistrimin e pallateve të legalizuara me sipërfaqe 66514 metra katrorë me efekte financiare në vlerë 76,297 mijë lekë.