PD akuzon Policinë: Fshehu djegien e makinës së dhëndrit të Qazim Sejdinit
Ministria e Brendshme: Asnjë ngjarje kriminale nuk është fshehur, të gjitha njoftimet janë publik uar në faqen e Policisë
Deputeti i Partisë Demokratike, Ervin Salianji, lëshoi akuza në drejtim të Policisë së Shtetit, duke denoncuar dje nga Elbasani fshehjen e një përplasjeje me armë, që, sipas tij, ka ndodhur mbrëmjen e së hënës.
I shoqëruar edhe nga deputeti Luçiano Boçi dhe kryetari i Degës së PD- së Elbasan, Aurel Bylykbashi, Salianji u shpreh se qyteti është nën pushtetin e bandave dhe të krimit. Në këtë rast ai iu referua djegies së makinës së dhëndrit të kryebashkiakut, Qazim Sejdini, ngjarjes që, sipas tij, është fshehur nga Policia, njësoj si përplasja me armë. Por lidhur me këto deklarata të Partisë Demokratike ka reaguar pasditen e djeshme Ministria e Brendshme, duke theksuar se nuk është fshehur asnjë ngjarje kriminale. Bashkëngjitur deklaratës, Ministria e Brendshme ka publikuar edhe dy njoftimet, për dy ngjarjet që PD i citon si të fshehura, të cilat janë publikuar në faqen zyrtare të Policisë së Shtetit. Njoftimet shoqërohen edhe me linkun përkatës të faqes asp. gov. al. Nga ana tjetër, burime nga Policia e Shtetit thanë dje, se ngjarja e së hënës të cilës i referohet Salianji si një përplasje me armë që është fshehur, është një denoncim që është bërë në Tiranë. Bëhet fjalë për telefonatën e një qytetari, i cili pretendon se dy persona nën kërcënimin e armës i kanë marrë makinën në rrugën e Dajtit. Sipas Policisë, duke qenë se për ngjarjen janë lajmëruar drejtoritë më të afërta, ajo e Durrësit, Lezhës dhe e Elbasanit, ngjarja mund të jetë keqinterpre- NGJARJE ka denoncuar dje Partia Demokratike nga Elbasani si të fshehura nga Policia e Shtetit, djegien e makinës së dhëndrit të kryebashkiakut të Elbasanit, e ndodhur në mars dhe të shtëna me armë mbrëmjen e së hënës që, sipas Ministrisë së Brendshme, asnjëra prej tyre nuk është fshehur tuar nga qytetarët që janë “ankuar” te Partia Demokratike. Pra, sipas Policisë, mbrëmjen e së hënës nuk ka pasur përplasje me armë as në Elbasan dhe as në Tiranë, por një denoncim nga një qytetar, që deri tani ende nuk është vërtetuar plotësisht nëse është real apo jo. DENONCIMI I PD “Prej kohësh qyteti i Elbasanit është në sundimin e bandave të udhëhequra nga Qazim Sejdini dhe pa diskutim në mbështetjen e plotë të Edi Ramës. Ditët e fundit në qytetin e Elbasanit kanë ndodhur ngjarje kriminale të rënda, të cilat jo vetëm e bëjnë qytetin e Elbasanit të lëngojë në pushtetin e bandave dhe kriminelëve me mbështetje politike, por e kthejnë edhe Policinë e Shtetit si një shërbëtore të fëlliqur të bandave dhe të kriminelëve, të cilët, pasi terrorizojnë qytetin dhe gjuajnë me armë në mes të qytetit, siç ka ndodhur dje, Policia e Shtetit jo vetëm që nuk ekziston, jo vetëm që shërben vetëm për të mbrojtur dhe mbuluar ngjarjen e tmerrshme kriminale, por shërben edhe për të fshehur provat e krimit apo për të mos bërë publike ngjarjen”, u shpreh dje nga Elbasani deputeti i PD- së, Ervin Salianji. Sipas tij, e njëjta situatë ka ndodhur edhe javë më parë, kur bandat kërcënojnë dhe i djegin makinën dhëndrit të kryetarit të Bashkisë Qazim Sejdini dhe po njësoj, Policia e Shtetit nuk bën asnjë lajmërim dhe fsheh ngjarjen. I pyetur se çfarë të dhënash ka PD në lidhje me ngjarjen e së hënës mbrëma, Salianji u shpreh se kanë qenë qytetarët që kanë lajmëruar Partinë Demokratike, si institucioni më i besueshëm sot në Shqipëri. “Kanë sjellë informacione, kanë sjellë video dhe audio se si dëgjohen të shtënat me armë në mes të qytetit, duke u shkëmbyer nga makina në makinë me armë të tipit të rëndë, kallashnikov apo automatik”, u shpreh ai. MINISTRIA E BRENDSHME Në një reagim pas akuzave të PD- së nga Elbasani, Ministria e Brendshme u shpreh se Policia e Shtetit është sot institucioni më i besuar nga qytetarët. “E tregojnë këtë sondazhet e kryera muajt e fundit. Shqipëria është sot një vend më i sigurt. Në 7 muajt e parë të 2018- s është regjistruar numri më i ulët i vrasjeve, krahasuar edhe me 2017- n, që ish- te minimumi historik në 3 dekadat e fundit. Është numri më i ulët i vjedhjeve me armë e me pasoja, numri më i ulët i aksidenteve. Ndërkohë, zbulueshmëria e ngjarjeve kriminale është shumë më e lartë se çdo vit i mëparshëm. Vendi ka dalë nga harta e kultivimit të kanabisit pas disa dekadash”, thuhet në deklaratën e Ministrisë së Brendshme. Ndërsa bashkëngjitur publikon edhe dy njoftimet e Policisë për ngjarjet që u referohet PD, duke theksuar se Policia e Shtetit nuk ka fshehur asnjë ngjarje kriminale.