RRUGËT ME KONCESION

• RRUGA THUMANË- KASHAR

225,821,553 euro llogaritet kostoja për ndërtimin e rrugës Thumanë- Kashar, e gjatë 20,8 km. Rruga e re do të nisë nga Thumana, 150 metra në brendësi të autostradës ekzistuese me 4 korsi, që lidh Milotin me Thumanën në drejtim të Fushë- Krujës. Tenderi për ndërtimin e rrugës është fituar nga kompania "Gener 2"

• RRUGA E ARBRIT

254 milionë euro llogaritet kostoja për ndërtimin e rrugës së Arbrit, në gjatësinë e 50 kilometrave rrugë me një tunel nën Qafën e Murrizit. Tenderi është fituar nga kompania "Gjoka Konstruksion", e cila ka nisur punimet.

• RRUGA MILOT- BALLDREM

161,500,000 euro llogaritet për ndërtimin dhe mirëmbajtjen e rrugës Milot- Balldrem. Kohëzgjatja e kontratës është 13 vjet. Ndërtimi i rrugës shtrihet përgjatë aksit të rrugës ekzistuese që lidh Milotin me qytetin e Lezhës dhe devijohet si rrugë plotësisht e re, nga nyja e qytetit të Lezhës deri në Balldrem ku më pas lidhet me rrugën ekzistuese në drejtim të Shkodrës. Ministria e Infrastrukturës ka shpallur dje tenderin.

• RRUGA ORIKUM- DUKAT

50,575,020 euro është parashikuar kostoja e projektit për ndërtimin e rrugës Orikum- Dukat, në bazë të studimit të fizibilitetit. Ndërtimi i rrugës fillon në rrugën e Portit të Jahteve, për të kaluar më pas në Bypass Orikum dhe përfundon në Dukat ( Ura e Shën Elizës). Ministria e Infrastrukturës ka shpallur dje tenderin.