Guvernatori: Ndërhyrjet për euron në treg do vazhdojnë
Rënia e euros “ngrin” rritjen e pagave, Sejko: Efekti në të ardhurat
Në këto kushte, sipas Guvernatorit të Bankës së Shqipërisë, do të vazhdojë të mbajë të pandryshuar normën bazë të interesit në 1 për qind. Guvernatori Sejko u shpreh se Këshilli Mbikëqyrës ka vendosur të vazhdojë planin e ndërhyrjes në treg, pra, të blerjes së euros. “Pas mbiçmimit të shpejtë të regjistruar në muajt prill- maj, ndërhyrja e Bankës së Shqipërisë arriti të qetësojë funksionimin e tregut të brendshëm valutor dhe të frenojë mbiçmimin e kursit të këmbimit. Megjithatë, analizat tona sugjerojnë se raporti i kërkesës dhe ofertës në tregun valutor mbetet i zhbalancuar, pjesërisht dhe si pasojë e prurjeve të larta sezonale dhe se mbiçmimi i shpejtë dhe i mëtejshëm i kursit të këmbimit do të dëmtonte kthimin e inflacionit në objektiv në afatin e mesëm. Duke gjykuar mbi sa më sipër, Banka e Shqipërisë vlerëson se qëndrimi aktual i politikës monetare mbetet i përshtatshëm. Edhe në mbledhjen e sotme të Këshillit Mbikëqyrës ne vendosëm ta vazhdojmë këtë program pasi jemi në sezon dhe jemi nën ndikimin sezonal. Ne po monitorojmë tregun dhe do të shikojmë si do të vijojë”, u shpreh Sejko. Guvernatori u shpreh se ekonomia shqiptare vijoi të ndjekë një trend pozitiv zhvillimi në gjashtëmujorin e parë të vitit 2018. “Ekonomia shqiptare shënoi një rritje prej 4.45% në tremujorin e parë, dhe të dhënat e tërthorta flasin për ritme pozitive rritjeje edhe në tremujorin e dytë. Përshpejtimi i ritmit të rritjes ekonomike në tremujorin e parë të vitit pasqyroi rritjen e shpejtë të prodhimit të energjisë elektrike, në përgjigje të kushteve të mira hidrike. Në terma më afatgjatë, zgjerimi i aktivitetit ekonomik u bazua te
PËR QIND
do të vazhdojë të jetë norma bazë e interesit. Këshilli Mbikëqyrës vendosi të mbajë të pandryshuar normën bazë të interesit, e cila u ul për shkak të rënies së euros
PËR QIND
ishte rritja ekonomike në tremujorin e parë. Guvernatori u shpreh se të dhënat tregojnë për ritme pozitive rritjeje të ekonomisë edhe në tremujorin e dytë rritja e konsumit dhe e investimeve private, ndërkohë që deficiti i shkëmbimeve tregtare me jashtë u rrit dhe politika fiskale vijoi të mbetet në kahun konsolidues. Të dhënat e tërthorta sugjerojnë se këto tendenca zhvillimi janë mbartur edhe në tremujorin e dytë. Pritjet tona për të ardhmen mbeten pozitive. Megjithatë, materializimi i tyre kërkon ruajtjen e kahut lehtësues të politikës monetare, ndërsa balanca e rreziqeve mbetet e zhvendosur në kahun e poshtëm. Inflacioni mesatar i tremujorit të dytë regjistroi vlerën 2.2%, duke ardhur në rritje nga norma mesatare prej 1.9% e tremujorit të parë”, u shpreh Sejko. PAGAT I pyetur për efektet në inflacion dhe konsum të vendimit të qeverisë për ngrirjen e fondit të pagave, Guvernatori Sejko u shpreh se zhvlerësimi i euros ndikoi edhe në uljen e të ardhurave. “Disa lëvizje janë të diktuara në varësi të ecurisë. Mbiçmimi i kursit të këmbimit sigurisht që ka pasur efekt në të ardhurat. Ndoshta dhe ngrirja e fondit të pagave ka ardhur si rezultat i këtij faktori. Disa lëvizje në raport me buxhetin janë të imponuara. Mbiçmimi i kursit të këmbimit ka disa vite që ka filluar, por sikurse kemi deklaruar, mbiçmimi i muajve të fundit ka qenë më i shpejtë si pasojë e disa pritshmërive në tregun e brendshëm valutor si: kredia e BERZH- it për një kompani publike shqiptare, konvertimi i kapitalit të disa bankave, ndikimi i sezonit turistik dhe faktorë të tjerë. Kjo ka bërë që ashtu si Banka e Shqipërisë të ndërmarrë programim e ndërhyrjeve në tregun e brendshëm valutor dhe lehtësimin e mëtejshëm të politikës tonë monetare, edhe qeveria nga krahu i saj të ndryshojë buxhetin duke reflektuar pasojat e mbiçmimit të kursit të këmbimit”, u shpreh Sejko.