Investime te zona e ‘ Doganës’, Veliaj: Minoranca të na bashkohet për Tiranën
Pas legalizimit të ndërtimeve informale, Bashkia e Tiranës po vijon punën për urbanizimin e këtyre zonave, duke u krijuar banorëve kushte më të mira jetese. Kjo është deklarata e kryetarit të bashkisë Erion Veliaj nga blloku i banimit te “Dogana”, ku janë rehabilituar 35 segmente rrugore, duke përfshirë ndërtimin e infrastrukturës nëntokësore dhe shtrirjen e rrjetit të ri të ujësjellëskanalizimeve. “Njësia 7 është njësi specifike, ka një pjesë shumë të madhe të asaj që ne e quajmë një kore urbane e pjesës së vjetër të Tiranës, ndërkohë është edhe pjesa e re, kryesisht me njerëz të ardhur nga veriu dhe jugu i Shqipërisë, të cilët gjithashtu meritojnë që pas 27 viteve të trajtohen njësoj si gjithë qytetarët e tjerë Tiranës. Do të thotë legalizim nga qeveria qendrore dhe urbanizim nga bashkia. Tani që kemi urbanizim, investojmë me risitë më të fundit; pra, me ndriçim Led dhe duke e bërë ujësjellësin nga e para”. Në vizitën e tij në Laprakë, i shoqëruar nga kreu i Këshillit Bashkiak, Aldrin Dalipi, Ve- liaj theksoi se ka ardhur koha që edhe ata që kishin në dorë të bënin diçka për Tiranën dhe nuk e bënë, të bashkëpunojnë përtej bindjeve politike, për vendime të rëndësishme për qytetin. “Unë e kuptoj se jo të gjithë punojmë me të njëjtën dëshirë dhe dashuri për qytetin. Ka disa, të cilëve nuk u vjen mirë pse qytetit po i shkojnë punët mbarë, megjithatë them se është mirë edhe për ata. Edhe ata që e kishin në dorë dhe mund ta kishin ndryshuar Tiranën, por humbën një shans për ta bërë, do të duhet që tani të bashkëpunojmë të gjithë, përtej së majtës dhe të djathtës, për vendime të rëndë- sishme për qytetin”. Në vitin e fundit të mandatit të tij, kreu i bashkisë tha se do të jetë në terren, duke çuar in- vestimet edhe në zonat rurale të Tiranës, i bindur për ta bërë qytetin më dinjitoz nga ç’e gjeti tre vite më parë.