SHBA, gati lista e sanksioneve për individë dhe kompani turke
Zëdhënësi i Erdogan: Do t'iu kundërpërgjigjemi sanksioneve
Shtetet e Bashkuara kanë përgatitur një listë me subjektet dhe individët turq që synohen të sanksionohen, në planet e administratës amerikane për të vendosur sanksione ndaj qeverisë së Recep Tayyip Erdogan.
Paralajmërimi për sanksione është bërë kur qeveria turke kërkoi nga SHBA që të mos ndërhynin në sistemin e drejtësisë në Turqi, me kërkesat për lirimin e një pastori amerikan të arrestuar që në vitin 2016 për komplot dhe lidhje terroriste. SHBA tha se qeveria turke do të sanksionohej për burgosjen e shtetasve dhe punonjësve amerikanë në misionin e saj diplomatik. Por zemërimi i administratës Trump ka lidhje edhe me kontratat e armëve që Turqia ka nënshkruar me Rusinë. Sipas "Bloomberg" negociatat për pastorin vazhdojnë, por përgatitja e të ashtuquajturave "paketat e përcaktimit" tre- gojnë se SHBA kanë arritur në pikën që të imponojnë dënime të paprecedente ndaj një aleati të NATO- s. Sanksionet janë modeluar si ato kundër qeverisë ruse dhe oligarkëve pranë Presidentit Vladimir Putin. SHBA ka vendosur kusht lirimin e Brunson që Turqia të mos përballet me sanksione. Personat dhe subjektet ruse të përcaktuara në "paketat e përcaktimit" duhet të miratohen nga sekretari i Thesarit dhe Sekretari i Shtetit para se të sanksionohen. Sanksionet po përgatiten sipas Aktit Global Magnitsky të vitit 2016, i cili lejon qeverinë amerikane të synojë individët, kompanitë ose subjekte të tjera të përfshira në korrupsion ose abuzime të të drejtave të njeriut kudo në botë. Sanksione të tilla lejojnë konfiskimin e asetet në SHBA, ndalimet e udhëtimit dhe ndalimet për të bërë biznes me njësitë e SHBA. Zëdhënësi i Erdogan tha se Turqia do të kundërpërgjigjej ndaj çdo sanksioni të SHBA në lidhje me gjykimin e pastorit Andrew Brunson mbi akuza terrorizmi, por ai shtoi se pret që të dy vendet ta zgjidhin këtë konflikt me diplomaci. Zëdhënësi Ibrahim Kalin tha gjithashtu se ministrat e Jashtëm të dy vendeve, të cilët janë në Singapor këtë javë, do të mbajnë një takim mbi këtë çështje.