Rama ironi me filmat para ‘ 90, Basha: Kokat gjarpërinjve do t’u shtypen
PD: Kaloi gjyqtari që liroi Frrokun
Dita e djeshme ishte një ditë me rikonfirmime sa i përket vetingut. Tre gjyqtarët Hallunaj, Kadi dhe Medja kaluan me sukses procesin e vetingut, duke u rikonfirmuar në detyrë.
Ata kështu përmbyllin edhe listën me 14 kandidatë për Këshillin e Lartë të Gjyqësorit. Dita nisi me shpalljen e vendimit të gjyqtarit të Gjykatës së Krimeve të Rënda, Dritan Hallunaj. Vendimi për të u shpall në orën 9: 00. Vetë gjyqtari ishte prezent në shpalljen e vendimit dhe u shfaq disi i emocionuar, kur dha një mesazh të shkurtër për mediat. “Ndihem i lehtësuar. Falënderoj Komisionin për këtë vendim dhe mediat për pasqyrimin e saktë të seancës. Ka qenë një proces i gjatë dhe i vështirë”, tha ai pas shpalljes së vendimit. Hallunaj është gjyqtar karriere dhe gjatë hetimit administrativ të Komisionit të Pavarur të Kualifikimit nuk pati probleme. Ai iu nënshtrua të tria kritereve të rivlerësimit, sipas ligjit në fuqi. E vetmja çështje që u debatua jashtë seancës më së shumti, ishte një ankesë e ishKryeprokurorit Llalla në KLD ndaj Hallunajt, si kryesues i treshes gjykuese që shpalli pafajësi në Shkallën e Parë për Arben Frrokun, i dënuar për vrasjen e kryekomisarit Dritan Lamaj. Pesëmbëdhjetë minuta më pas, në orën 9: 15, u shpall vendimi për gjyqtaren Brunilda Kadi. Edhe kjo e fundit ishte prezente në momentin kur Komisioni i Pavarur i Kualifikimit vendosi që ta rikonfirmonte në detyrë kandidaten për Këshillin e Lartë Gjyqsor dhe aktualisht, gjyqtare e Gjykatës së Shkallës së Parë Tiranë.
Sipas hetimit, në të tria shtyllat e verifikimit - pastërtinë e figurës, aftësitë profesionale dhe deklarimin e pasurisëKadi rezultoi e pastër. DSIKu nga ana tjetër, gjithashtu specifikoi se Kadi ishte e përshtatshme për detyrën. Pas shpalljes së vendimit, Kadi u shpreh u shpreh se ndihej e vlerësuar për punën që ka bërë. “E ndiej veten të vlerësuar për punën që kam bërë”, tha ajo shkurtimisht për mediat.
I vetmi denoncim për gjyqtaren Brunilda Kadi është ai i një biznesmeni spanjoll, i cili pretendon se gjyqtarja ka kryer shkelje, pasi ka dërguar dokumentet në adresën e gabuar në Madrid dhe komunikimi nuk ishte bërë me autoritetet spanjolle, siç përcakton Konventa e Hagës. Këtë çështje, KPK- ja vendosi ta transferojë në gjykatë. Kadi shprehu mendimin e saj edhe për këtë, duke thënë se u takon organeve të tjera që ta vlerësojnë si rast. Më pas, në orën 15: 00, Komisioni i Pavarur i Kualifikimit shpalli vendimin për gjyqtarin e Gjykatës Administra- tive, Gentian Medja. Ky i fundit është kandidat për Këshillin e Lartë të Gjyqësorit. Edhe Medja ishte i pranishëm në momentin e shpalljes së vendimit. Gjyqtari Medja tërhoqi vëmendjen, pasi është i vetmi që nuk ka deklaruar asnjë pasuri të paluajtshme në emër të tij. Ai rezulton ndër “gjyqtarët” më të varfër në sistem.
Medja ishte treguar “tërësisht bashkëpunues” me komisionin dhe ka marrë raporte të pastra nga ILKPDKI- ja si dhe nga hetimi administrativ i komisionit për pasurinë e tij dhe të prindërve të tij të përbërë nga një apartament i privatizuar në Shkodër dhe disa llogari bankare kursimesh për një total prej 4.1 milionë lekësh, bashkë me disa aksione të prindërve në ndërmarrjen e Duhan- Cigareve në Shkodër, të marra nga procesi i privatizimit. Ndërmarrja ka falimentuar shumë kohë më parë dhe aksionet e prindërve të gjyqtarit nuk kanë krijuar asnjëherë të ardhura.