KLSH çon për ndjekje penale 6 punonjës të ZRPP së Fierit
Kontrolli i Lartë i Shtetit ka çuar për ndjekje penale me akuzën e shpërdorimit të detyrës 6 funksionarë të Zyrës së Regjistrimit të Pasurive të Paluajtshme në Qarkun e Fierit. Në njoftimin e KLSH thuhet se: “Kanë kryer regjistrime të pasurive pa dokumentacionin e duhur ligjor, me dokumente të parregullta AMTP për sipërfaqen prej 580,392 m2, ndryshime zëri kadastral nga pus nafte, zallishte, rrugë, përrenj në truall për sipërfaqe 28,360 m2, regjistrim pasurish shtetërore ( të privatizuara) pa arkëtuar qira trualli me dëm ekonomik në vlerën 1,900 mijë lekë, pa dokumentacionin ligjor, moskufizime pronash të paligjshme me vendim gjykate e KVTPP Fier për sipërfaqe 108,569 m2, si dhe kanë shmangur duke regjistruar procedurat legalizime ligjore, mbi prona shtetërore ( ndërtesa) për arkëtimin e vlerës 120 milionë lekë, si dhe vlerën 11,5 milionë lekë të ardhura të munguara për buxhetin nga mospagesa e tak- sës së regjistrimit për ambientet e përbashkëta”, thuhet në njoftimin e KLSH- së. KLSH- ja ka ushtruar kontrollin pranë ZRPPsë së Fierit për periudhën korrik 2015- dhjetor 2017 dhe ka konstatuar plot 1138 raste, ku regjistrimi i pronave nuk është bërë konform kërkesave ligjore. “Nga ky auditim u konstatuan shkelje të dispozitave ligjore, për të cilat KLSH- ja ka dërguar indicie për kallëzim penal në Prokurorinë e Rrethit Gjyqësor Fier, për B. K., zv. regjistruese, M. M., A. M. dhe T. A. ish- regjistrues dhe F. M. e E. R. me detyrë specialist, për konsumim të elementëve të veprës penale të “Shpërdorimit të detyrës”, neni 248 i Kodit Penal”, thuhet në raportin e KLSH- së. Na raport thuhet se KLSH- ja ka dërguar për masë disiplinore dhe 12 punon- jës të ZRPP- së së Fierit. “KLSH i ka kërkuar krye- regjistruesit në Zyrën Qendrore të Regjistrimit të Pasurive të Paluajtshme të vlerësojë shkallën e përgjegjësisë dhe marrjen e masave disiplinore për 12 punonjës: M. K., B. K., H. Z., E. R., N. D., E. M., E. B., A. H., D. B., E. S., O. LL. dhe P. T., specialistë”, thekson raporti.