Operacioni, kapen 67 kg kanabis, në pranga 4 persona
Droga u kap te banesa e vëllezërve Lika, një i pestë u shpall në kërkim nga Policia
Policia e Tiranës ka finalizuar ditën e djeshme një operacion antidroge të shtrirë në kryeqytet.
Operacioni i koduar “Zallmneri” është finalizuar me arrestimin e katër personave, ndërsa një i pestë është shpallur në kërkim. Policia ka sekuestruar edhe një sasi prej 67 kg kanabis, e gatshme për transport. Sipas njoftimit të Policisë, të arrestuarit janë: Xhevahir Lusha, 47 vjeç; Ilirjan Selimi, 34 vjeç dhe vëllezërit Ervin dhe Besnik Lika, 30 dhe 26 vjeç. Policia shpalli në kërkim edhe një shtetas tjetër, të identifikuar me inicialet B. H., 26 vjeç. Të arrestuarit u kapën në rrugën “Teuta” në flagrancë nga oficerët e policisë të Komisariatit nr. 5, teksa kishin ngarkuar një automjet me qese droge. Po kështu, Policia sekuestroi në cilësinë e provës materiale një sasi prej 67 kg drogë, e dyshuar si kanabis sativa, 3 aparate celulare dhe një automjet tip “Golf”.
“Finalizohet operacioni policor i koduar ‘ Zallmneri’ nga Seksioni kundër Narkotikëve në bashkëpunim me Komisariatin e Policisë Nr. 5. Goditet një tjetër rast i shitblerjes të lëndëve narkotike. Arrestohen në flagrancë 4 shtetas si dhe shpallet në kërkim 1 tjetër. Sekuestrohet lëndë narkotike, automjet dhe aparate celularë. Seksio- ni kundër Narkotikëve në bashkëpunim me Komisariatin e Policisë Nr. 5, në kuadër të operacionit policor të koduar ‘ Zallmneri’, arrestuan në flagrancë shtetasit: Xhevahir Lusha, 47 vjeç, banues në Tiranë; Ilirjan Selimi, 34 vjeç, banues në Tiranë; Ervin Lika, 30 vjeç, banues në Tiranë; Besnik Lika, 26 vjeç, banues në Tiranë. Si dhe u shpall në kërkim shtetasi: B. H., 26 vjeç, banues në Tiranë. Këta shtetas në rrugën ‘ Teuta’ u kapën në flagrancë nga shërbimet e Policisë, ku në bashkëpunim me njëri- tjetrin po transportonin qese me lëndë të dyshuar narkotike të llojit cannabis sativa, nga banesa e shtetasve ( Ervin Lika dhe Besnik Lika, vëllezër), në bagazhin e një automjeti tip ‘ Golf’. U sekuestruan në cilësinë e provës materiale: 67 kg lëndë e dyshuar narkotike e llojit cannabis sativa; automjet tip ‘ Golf’; 3 aparate celularë”, shkruan njoftimi i Policisë.