Transparenca e kontestuar e Policisë
Historikisht, institucioni i Policisë ka qenë në qendër të sulmeve me natyrë politike apo edhe më gjerë...
Gjakun e ka shqiptar, edhe pse ka zgjedhur të përfaqësojë Zvicrën, por rrënjët e tij Granit Xhaka nuk i harron kurrë dhe këtë e konfirmoi përpara syve të të gjithë botës gjatë Botërorit "Rusi 2018", ku festoi me simbolin e shqiponjës golin e realizuar kundër Serbisë. Futbollisti kosovar është rikthyer nga pushimet dhe i është bashkuar Arsenalit në fazë përgatitore, por këto ditë të para përgatitjesh për të janë shoqëruar me shumë kritika. Madje, në Angli kanë nisur të bëhen edhe më të shumtë zërat se të gjitha këto pakënaqësi kanë nisur ta lodhin jo pak 25- vjeçarin dhe nga ky fakt kërkon që të përfitojë klubi italian i Romës. Verdhekuqtë vazhdojnë të jenë në kërkim të një mesfushori energjik pas shitjes së Razha Naingolanit tek Interi dhe cilësitë që ata kërkojnë janë të profilizuara te Graniti. Drejtori sportiv i kryeqytetasve, Monçi, të paktën siç konfirmon e përditshmja "Il Tempo", ka nisur kontaktet me drejtuesit e klubit të Arsenalit dhe ndoshta në orët e ardhshme mund të ketë edhe një takim mes palëve për të kuptuar kushtet e kryerjes së këtij transferimi. Sigurisht që nëse Roma do të vendoste që të investonte te kosovari, pa dyshim që do ta bënte vetëm për t'i garantuar atij një rol të rëndësishëm në skuadër. Madje, edhe vetë Xhaka e pret këtë nga ana e italianëve, përndryshe nuk do të kishte arsye madhore që të lëvizte nga Londra, edhe pse ndaj tij akuzat sa vijnë e bëhen më të shumta dhe diçka e tillë nuk është se po gëlltitet lehtë edhe nga futbollisti.