Klinton: Kërkesë Serbisë të ndalë shtypjen në Kosovë
Letër Sekretares së Shtetit, Albright, para takimit me Rugovën
Në Kosovë, urrejtja psikopatike serbe shkaktonte vrasje e shkatërrime të përditshme, me qëllim dëbimin e popullsisë shqiptare nga ajo krahinë
interesin e Shteteve të Bashkueme me ushtrue presionin e duhun pranë Qeverisë Maqedonse të respektojë të drejtat e popullsisë shqiptare, ose të humbasë mbështetjen e Shteteve të Bashkueme.
Pakica shqiptare banojnë sot edhe në Serbi, Mal të Zi dhe Greqi, fati i të cilave ashtë lanë në duert e tri autoriteteve respektive. Në Serbi dhe në Mal të Zi, forcat politike lokale shqiptare përpiqen me vështirësi me veprue mbrenda sistemit politik të tanishëm, por ata gjinden para qëndrimit mohues të shumicës, qëllimi final i të cilëve ashtë asimilimi i tyne.
Në Greqi, pakica shqiptare gjindet përballë asgjasimit të plotë. Asnji libër shqip, mësues ose shkollë ashtë e lejueshme për arsimimin e fëmijve të pakicës së shtypun shqiptare ( të njohun si Çamë). Të gjitha përpjekjet e bame me thye këtë shtypje asfiksuese kanë dështue, për arsyen e thjeshtë se autoritetet greke refuzojnë të njohin edhe prezencën fizike të kësaj pakice fatkeqe.
Na jemi plotësisht të bindun se ashtë në interesin e Shteteve të Bashkueme me përdorë influencën e saj pranë Qeverisë Greke, tue theksue faktin se nji padrejtësi e këtill ashtë e papranueshme për bashkësinë ndërkombëtare dhe nuk ashtë në interesin e marrëdhanieve të mira në mes të dy vendeve fqinje.
Në këtë angazhim të shtatë milionë shqiptarëve në Ballkan dhe përpjekjesh me ba nji histori të re në vendet që ata banojnë, ata kërkojnë me marrë pjesë në ndërtimin e nji bote të re, “nji rrjet global qëllimesh dhe ligjor”; ata kanë nevojë për ndihmën e Amerikës me gjetë rrugën ma të mirë me arrijtë këtë pikësynim. Na shpresojmë se ky Kombi Madh Amerikan që jemi na sot, nuk do të zhgënjejë popujt që vuejnë.
Shqiptarët janë të lodhun nga tirania, paligjëshmënia dhe udhëheqsit që qëllimisht anashkalojnë interesat e popullsisë. Megjithëse nuk ka nji hartë që tregon suksesin, ata shpresojnë në ndërtimin e nji shoqënie të re ku e drejta e jetës, lirisë dhe prosperitetit kuptohen si të vërteta që nuk mund të mohohen. Ata duen të jenë “… pjesë e nji sistemi ndërkombëtar, i bazuem në parimet demokratike që përfshijnë të gjithë”, ashu si e theksoi Sekretarja e Shtetit Madeleine K. Albright.
Në këtë përpjekje të tyne, shqiptarët meritojnë përkrahjen e plotë të Shteteve të Bashkueme dhe të bashkësisë ndërkombëtare. Me respektin ma të plotë, Sami Repishti, Ph. D. ( firmë e autorizueme) Shoqatat pjesëmarrëse: Albanian American Bektashi Monastery Albanian American Roman Catholic Communities Albanian American Islamic Center Albanian Orthodox Archdiocese in America Democratic League of Kosova in the United States Foundation “Ded Gjo Luli” Foundation “Plave – Gusinje” National Albanian American Council ( NAAC)
PanAlbanian “VATRA” Patriotic Association “Dibra” * Adresa e “Koalicionit” ashtë ajo e Sekretarisë së Këshillit Kombëtar Shqiptaro- Amerikan, Washigton, D. C. Federation of America PËRGJIGJJA E PRESIDENTIT W. J. CLITON: Shtëpia e Bardhë Washington 8 gusht 1997 Sami Repishti, Ph. D. President National Albanian American Council Suite 400 1825 I Street, N. W. Washington, D. C. 20006 I nderuemi Sami: Ju falënderoj për letrën tuej të datës 11 qershor në lidhje me situatën e Shqiptarëve etnikë në Ballkan. Shqipëria ka arrijtë në nji pikë kritike gjatë rrugës së saj drejt demokracisë dhe qetësimi i kaosit që mbizotënon atje që nga mueji i marsit ashtë nji përparësi e politikës sonë të jashtëme.
Na mendojmë që ashtë me randësi me veprue së bashku si nji bashkësi ndërkombëtare; prandej, Administrata e ime po punon ngushtësisht me partnerët tonë Europianë, tue përfshi edhe Organizatën për Sigurimin dhe Bashkëpunimin në Europë, me ndihmue ringritjen e institucioneve demokratike dhe me përmirësue situatën e të gjithë Shqiptarëve. Shtetet e Bashkueme po përkrahin me ndihma humanitare dhe kanë marrë vendim me kontribue menjiherë $ 1 milion për organizatën e Kryqit të Kuq Ndërkombëtar, si dhe $ 2.5 milionë për Programin Ushqim për Botën të OKB- së.
Administrata ime ashtë njikohësisht e shqetësueme edhe për abuzimet e të drejtave të njeriut, veçanërisht në lidhje me Kosovën. Shtetet e Bashkueme përkrahin përpjekjet e popullit të Kosovës me sigurue për vete respektin e të drejtave të njeriut me mjete paqësore dhe demokratike. Për këtë qëllim, këto kohët e fundit na kemi hapë Zyrën e Agjencisë së Informatave të Shteteve të Bashkueme, në Prishtinë. Pa ndërprerje na kemi kërkue nga Qeveria e Serbisë të pushojë politikën e saj shtypëse dhe kemi përsëritë shqetësimin tonë me autoritetet e Beogradit në nivelin ma të naltë. Respekti për të drejtat e njeriut në Kosovë ashtë nji element kyç i sanksioneve tona kundër Serbisë dhe do të vazhdojë, deri sa të bahet nji përparim thelbësor Shtetet e Bashkueme nuk do të normalizojnë marrëdhaniet diplomatike me Beogradin. Për ma tepër, na do të vazhdojmë me kundërshtue anëtarësinë e Beogradit në institucionet ndërkombëtare.
Unë due t’ju siguroj se Administrata e ime ashtë e angazhueme me punue për promovimin e të drejtave të të gjithë qytetarëve të Ballkanit, si dhe me vazhdue përpjekjet tona drejt nji zhvillimi të demokracisë dhe rivendosjes së rendit publik në Shqipëri.
Edhe nji herë, ju falënderoj për interesimin tuej aktiv në këtë problem me rëndësi. Sinqerisht Bill Clinton ( firma) New York.- E mërkurë, 20 gusht 1997 LETRA PER ALBRIGHT Kryetari i Këshillit Kombëtar ShqiptaroAmerikan, prof. Sami Repishti, në një letër që i dërgon Sekretares së Shtetit, Madeleine K. Albright, në prag të takimit të saj me Pres- identin e Republikës së Kosovës, dr. Ibrahim Rugova, parashtron tri kërkesa- opsione, që do të duhej t’i shqyrtonte administrata amerikane me qëllim të gjetjes së mënyrës për zgjidhjen e çështjes së Kosovës:
1) Qeveria e Shteteve të Bashkuara të emërojë një të dërguar të posaçëm që do të mundësonte një takim midis përfaqësuesve shqiptarë dhe serbë, me qëllim të ndërmjetësimit për një zgjidhje të pranueshme për të dy palët. Në gjetjen e këtij ekuilibri, prestigji i Qeverisë së Shteteve të Bashkuara është i pazëvendësueshëm
2) Qeveria e Shteteve të Bashkuara të marrë iniciativën për mbajtjen e një Konference Ndërkombëtare mbi Kosovën, në të cilën problemi i Kosovës do të kishte një trajtim të drejtë si parakusht për një zgjidhje të pranueshme për të dy palët.
3) Po qe se “taktikat” e bashkëpunimit vazhdojnë nga ana e Serbisë, atëherë kërkojmë nga Qeveria e Shteteve të Bashkuara dhe nga bashkësia ndërkombëtare që të njohin Republikën e Kosovës si një shtet sovran, kufijtë e të cilit do të jenë të pacenueshëm dhe se kjo republikë do të pranohej si anëtare e Organizatës së Kombeve të Bashkuara.
Politika paqësore e dr. Ibrahim Rugovës është nji garanci e qëllimit paqësor të shqiptarëve, se do të jenë luajalë ndaj bashkësisë ndërkombëtare.
Këshilli Kombëtar Shqiptaro- Amerikan është formuar një vit më parë me qëllim të avancimit të çështjes shqiptare në Washington D. C. dhe të informimit të administratës, anëtarëve të Kongresit dhe politikanëve amerikanë për problemet gjithëshqiptare. ( Gazeta Illyria, New York)
( Botohet për herë të parë)