Nuk paguanin TVSH, Tatimet: Bllokohen 9 hotele e biznese
Në kuadër të aksionit kundër informalitetit, Administrata Tatimore ka rritur kontrollet për bizneset në jug të vendit. Tatimorët bllokuan dje 9 biznese dhe hotele, për shkak se disa prej tyre nuk ishin të regjistruar në Tatime, si dhe nuk lëshonin kuponin tatimor. Administrata Tatimore njoftoi se 7 subjekte rezultuan të paregjistruar në Tatime dhe aktiviteti i tyre do të qëndrojë i mbyllur deri në regjistrimin e subjektit. Ndërsa dy bizneset e tjera do të qëndrojnë të mbyllura për 30 ditë, pasi nuk lëshonin kuponin tatimor. Sipas njoftimit zyrtar të Drejtorisë së Përgjithshme të Tatimeve, bizneset e bllokuara janë: subjekti Stavri Ndreca, me vendndodhje në rrugën Sarandë – Bistricë, i paregjistruar në organet tatimore, bllokim deri në regjistrimin si subjekt me TVSH; subjekti Hasie Bani, me vendndodhje në rrugën Sarandë– Gjirokastër, i paregjistruar në organet tatimore, bllokim deri në regjistrimin si subjekt me TVSH; subjekti Ridvan Malaj, me vendndodhje në Livadh, penalizim për moslëshimin e kuponit tatimor për herë të dytë dhe bllokim i ushtrimit të aktivitetit për 30 ditë kalendarike; subjekti Lonidha Manaj, me vendndodhje Sarandë, penalizim për mos lëshimin e kuponit tatimor për herë të dytë dhe bllokim i ushtrimit të aktivitetit për 30 ditë kal- endarike; subjekti Irineos Bello, me vendndodhje në Sarandë, i paregjistruar në organet tatimore, bllokim deri në regjistrimin si subjekt me TVSH; subjekti Dionis Likoka, me vendndodhje në Borsh, hotel i paregjistruar në organet tatimore, bllokim deri në regjistrimin si subjekt me TVSH; subjekti Vasilika Lapaj, me vendndodhje Sarandë, hotel i paregjistruar në organet tatimore, bllokim deri në regjistrimin si subjekt me TVSH; subjekti Thimjo Gjinuci, me vendndodhje Himarë, i paregjistruar në organet tatimore, bllokim deri në regjistrimin si subjekt me TVSH; subjekti Artjon Nika, tregti me shumicë dhe artikuj të ndryshëm, me vendndodhje Sarandë, i paregjistruar në organet tatimore, bllokim deri në regjistrimin si subjekt me TVSH.