PD denoncon abuzimet, Basha: Bizneset po mbyllen
“E vetmja rrugë për ekonominë është rikthimi i taksës së sheshtë”
Partia Demokratike akuzon Kryeministrin Rama dhe qeverinë e tij për rrënimin e ekonomisë dhe për gjendjen e vështirë financiare, në të cilën ndodhen familjet shqiptare.
Duke kundërshtuar aktin normativ të firmosur nga Kryeministri Rama, nënkryetarja e Komisionit të Ekonomisë në Kuvend, Jorida Tabaku, deklaroi se buxhetit të shtetit i mungojnë 5 milionë USD, si pasojë e mosmbledhjes së taksave, por edhe mbylljes së bizneseve. Në një dalje për mediat nga selia blu, Tabaku deklaroi se vendimi i qeverisë për të futur biznesin e vogël në skemën e TVSH- së tregoi se nuk ishte një politikë për të formalizuar ekonominë, por për të favorizuar disa subjekte të mëdha. Për këtë arsye, PDja kërkoi rikthimin e taksës së sheshtë. “Numri i bizneseve që kalojnë në gjendjen pasive janë duke u rritur. Në korrik 2018 kanë kaluar në status pasiv 1272 biznese, ose pothuajse 65% me shumë sesa korriku 2017 ( i cili rezultonte 771 biznese). Siç u vërtetua, futja në TVSH e biznesit të vogël ( 11.500 subjekte), nuk ishte për formalizimin e ekonomisë, por për favorizimin e disa subjekteve të mëdha, që operojnë në sektorin e tregtisë. E vetmja rrugë për të rikthyer edhe një herë ekonominë në binarët e duhura ekonomike, është një taksë e sheshtë që do të stimulojë ekonominë dhe do jetë promotori i rritjes së të ardhurave”, tha Tabaku.
REAGIMI Kryetari i PD- së, Lulzim Basha, e ka cilësuar mbylljen e 45 bizneseve çdo ditë si rekordin e ri të bandës së hajdutëve të “Rilindjes”. Përmes një postimi në “Tëitter”, Basha thekson se kriza ekonomike është thelluar ako- ma më tepër, kur 66% biznese më shumë kanë falimentuar. Duke iu referuar këtyre statistikave, Basha u bën thirrje shqiptarëve të reagojnë, duke kujtuar se sa më shumë të zgjasë kjo qeverisje, akoma më keq do të jetë për Shqipërinë dhe shqiptarët. “Ja rekordi i ri i bandës së hajdutëve “Rilindja”: 45 biznese mbyllen çdo ditë në 2018. Sa më gjatë kjo qeveri, aq më keq për Shqipërinë dhe shqiptarët. Thellohet kriza ekonomike, 66% biznese më shumë të falimentuara. Sa më gjatë kjo qeveri, aq më shumë biznese mbyllen”, shprehet Basha.
ANALIZA Këshilltari ekonomik në PD, Dorian Teliti, deklaroi se akti normativ që qeveria ka ndërmarrë nuk do ta përmirësojë situatën e vështirë ekonomike që vendi po kalon. “4 gjëra janë të sigur- ta në buxhetet e qeverisë Rama: Dështimi në mbledhjen e taksave të rritura. Abuzimet me fondet buxhetore ( KLSH). Shpenzimet e luksit dhe shpenzimet klienteliste. Përdorimi i akteve normative disa herë çdo vit”, tha Teliti. Këshilltari ekonomik i demokratëve kujtoi se investimet publike rezultojnë 40 mln dollarë më të ulëta sesa planifikimi 6mujor ose 12% më pak. Sipas Telitit, qeveria ka zgjedhur që investimet publike t’i fokusoje vetëm në PPPtë klienteliste.