SI DO NDAHEN TAPITE
Zbardhet skema e re për tokat me 7501 e legalizimet
Zbardhet strategjia e re e Qeverisë. Si do lehtësohen procedurat për tapitë e legalizimeve, pronave dhe tokave me ligjin 7501
Qeveria, në muajin shtator, do të miratojë ligjin e ri për trajtimin e pronave dhe legalizimeve.
Legjislacioni i ri synon unifikimin e trajtimit të procedurave të Agjencisë së Trajtimit të Pronave, ALUIZNI dhe Hipotekës, me qëllim evitimin e sorollatjeve për qytetarët që do të pajisen me tapi dhe do të përfitojnë kompensim të pronës. Qeveria ka gati skemën e re të pronave, ku për funksionimin e saj do të financohet fondi prej 60 milionë dollarësh. Projektbuxheti afatmesëm 20192021, i miratuar nga qeveria, shpjegon sesi do të funksionojë skema e re, e cila do të përfshijë katër procese që nga regjistrimi i titujve të pronësisë, kthimin dhe kompensimin e pronave, regjistrimin e pronës të shpërndarë me ligjin 7501 dhe në fund unifikimin e regjistrit të pronave në kadastrën multifunksionale. Po ashtu, nëpërmjet kësaj skeme, qeveria kërkon t’i japë zgjidhje problemit të së paktës 8 për qind të tokës bujqësore djerrë, duke rritur instrumentet financiare për t’u punuar.
LEGALIZIMET Kreu i ALUIZN- it, Artan Lame, më herët shpjegoi se çfarë synon projekti i qeverisë për shkrirjen e tri institucioneve të pronës që japin tapitë. “Unifikimi i institucioneve është në fazën e vetë finale që do të thotë se me hapjen e sezonit të ri parlamentar, kalojmë fillimisht në Qeveri, pastaj në Parlament legjislacionin për trajtimin e të gjitha proceseve tranzitore të pronësisë që ne duhet t’i mbyllim. Imagjinoni, kemi filluar ta ndajmë tokën me ligjin 7501 në vitin 1991 dhe pas 27 vjetësh, ne akoma ndajmë toka në fshat. Kemi filluar të bëjmë legalizimet në vitin 2005 dhe ende bëjmë legalizime. Kemi filluar të kthejmë prona në vitin 1993 dhe kthejmë akoma prona. Të gjitha këto procese tranzitore duhen mbyllur dhe duhen regjistruar në një hartë të unifikuar”, shpjegoi Lame.
SKEMA E RE Agjencia e re që do të krijohet synon t’u japë zgjidhje sorollatjeve për marrje tapie për shtëpitë që janë legalizuar, kompensimit të pronarëve MILIONE dollarë do të jetë fatura e buxhetit të shtetit në 3 vitet e ardhshme për ngritjen e agjencisë së re, që do të unifikojë procedurat e tri institucioneve të dhënies së tapisë dhe regjistrimit të titujve të pronësisë të marra me ligjin 7501. Pasi të gjitha këto procese të mbyllen, do të regjistrohen në një hartë të unifikuar të regjistrave të pronës apo siç do të njihet ndryshe kadastra multifunksionale dhe digjitale, ku do të përfshijë gjithë hartografinë e pronës. Se çfarë synon skema e re e qeverisë shpjegohet në projektbuxhetin për vitet e ardhshme. Për krijimin e Agjencisë së re të Pronave, do të përdoren 60 milionë dollarë. “Menaxhimi i integruar i tokës, ku synohet: Ofrimi i drejtësisë për titujt e pronësisë, duke përfshirë regjistrimin e tyre dhe kthimin dhe kompensimin e pronave; Unifikimi i regjistrave të pronës në kadastrën multifunksionale transparente dhe digjitale, përfshirë gjithë hartografinë e pronës; Pajisja e gjithë sipërfaqes së tokave bujqësore me certifikata pronësie; Përmirësimi i strukturave bujqësore edhe nëpërmjet lehtësimit të problemit të tokave djerrë ( 8% e tokës bujqësore), duke zbatuar instrumente fiskale nxitëse. Për periudhën 2019– 2021, financimet për këtë prioritet kapin vlerën prej mesatarisht 6 miliardë lekë në vit”, thuhet në dokumentin e qeverisë. Pra, e thënë ndryshe, në rast se një pronari i është njohur e drejta e kompensimit të tokës, por pengesë është harta dhe kaosi në Hipotekë ka sjellë me mijëra raste mbivendosjesh. Në kushtet për të marrë kompensimin e pronës, është: “Konfirmim nga ZVRPP përkatëse mbi gjendjen juridike të pronës qe kompensohet dhe nëse është ushtruar apo jo e drejta e parablerjes”. Kjo procedurë do të kryhet nga vetë agjencia e re. Një kusht tjetër është: Vërtetim nëse subjektet ( secili prej trashëgimtareve) kanë përfituar apo jo nga dispozitat për ndarjen e tokës bujqësore ( Ky vërtetim merret në DAMT/ Këshilli i Qarkut/ Njësia Administrative, në atë vendbanim ku trashëgimtari ka banuar deri në vitin ‘ 91). Edhe kjo procedurë do të kryhet nga agjencia e re që do krijohet. Kjo e bën procesin e kompensimit më të thjeshtë. Përplasja e hartave me ALUIZNI- n, ATP- në dhe Hipotekën dhe të gjitha problemet, që lindin nga kjo përplasje, do të zgjidhen në një zyrë të vetme.