Shisnin kokainë në lokalet me muzikë tallava, pranga 2 lezhjanëve
TIRANE - Policia e kryeqytetit ka finalizuar dje një operacion të koduar “Pazari i Mesnatës”, nga Seksioni për Hetimin e Narkotikëve në bashkëpunim me Sektorin e Operacioneve Speciale në Drejtorinë Vendore të Policisë Tiranë. Gjatë këtij operacioni janë arrestuar në flagrancë dy shtetas, të cilët në bashkëpunim me njëri- tjetrin shisnin lëndë narkotike të llojit kokainë në lokalet me muzik tallava të kryeqytetit. Policia sekuestroi në cilësinë e provës materiale 200 gramë lëndë të dyshuar narkotike e llojit kokainë, 2 automjete dhe aparate celularë. Policia tha dje se nga Seksioni për Hetimin e Narkotikëve në bashkëpunim me Sektorin e Operacioneve Speciale në Drejtorinë Vendore të Policisë Tiranë, u bë arrestimi në flagrancë i shtetasve Agostin Zefi, 56 vjeç, dhe Zef Bokaj, 30 vjeç, të dy banues në Lezhë. Për këta persona, sipas Policisë disponohej informacion se në bashkëpunim me njëri- tjetrin merreshin me veprimtari të kundërligjshme në fushën e narkotikëve, duke shpërndarë lëndë të dyshuar narkotike të llojit kokainë në lokalet me muzikë tallava. Lokalet ku ata shisnin kokainën ndodhen në zona të ndryshme të Tiranës dhe në sajë të punës së mirëorganizuar hetimore është bërë arrestimi i tyre në flagrancë, pasi në rrugën “Kongresi i Manastirit”, pranë spitalit të fëm- ijëve, gjatë kontrollit të ushtruar në mjetin tip “Audi”, brenda të cilit ndodheshin këta shtetas, u gjet një qese me lëndë të dyshuar narkotike të llojit kokainë. “Në cilësinë e provës materiale janë sekuestruar 200 gramë lëndë e dyshuar narkotike e llojit kokainë, automjet tip ‘ Audi’ dhe tip ‘ Renault’, si dhe dy aparate celularë. Materialet procedurale do t’i kalojnë Prokurorisë pranë Gjykatës së Shkallës së Parë Tiranë, për ve- prime të mëtejshme hetimore për veprën penale të ‘ Prodhimit dhe shitjes së lëndëve narkotike e kryer në bashkëpunim’ të parashikuar nga neni 283/ 2, i Kodit Penal”, tha zyrtarisht Policia e Tiranës.