Oblika hap dyert e mortit për Admirin, mbetiviktimë e urës
Xhaxhai i Admir Bokrinës: Po shkonte në punë, e identifikuam nëpërmjet një tatuazhi
Në fshatin Oblikë të Shkodrës janë hapur dyert e mortit për 32vjeçarin Admir Bokrina, i cili është një prej viktimave të tragjedisë së ndodhur në urën e shembur në Genova.
Në banesën e tij ndodhen vetëm të afërm, pasi prindërit e tij që kishin ardhur me pushime në Shqipëri, janë kthyer menjëherë në Itali pas lajmit të hidhur. Xhaxhai i tij, Fatmir Bokrina, tregon se i kishte rënë telefonit të Admirit pas ngjarjes, por ai nuk ishte përgjigjur, çka kishte shtuar dyshimet se diçka e keqe mund t’i kishte ndodhur. “E kemi marrë vesh rreth orës 01: 00 të darkës. Tragjedia dihej se ka ndodh, por mbaheshim me shpresa se inshallah nuk është ndodhur ai aty në atë moment. Duke i rënë telefonit, nuk m’u përgjigj. Është shumë e rëndë kjo që na ka ndodhur. Trupi i Admirit është identifikuar përmes një tatuazhi që ka pasur në trup sepse ka qenë e vështirë mes shumë atyre personave, të cilët kanë humbur jetën në atë tragjedi. Ende nuk arrij që ta besoj se çfarë ka ndodhur”, u shpreh xhaxhai Fatmir Bokrina.
Ruzhdi Mashku është daja i babait të Admir Bokrinës, i cili rrëfen trishtimin e madh pas humbjes sa jetës së 32vjeçarit. “Menjëherë pas ngjarjes na ka marrë në telefon xhaxhai i Admirit. Na ka treguar se Admiri ka humbur jetën, teksa ishte duke shkuar në punë. Qëlloi mbi urë në momentin që ajo u shemb. Ky lajm ishte i pabesueshëm për ne dhe shumë i rëndë. Na shokoi të gjithëve sepse asn- jë nuk e mendonim. Ai një ditë përpara kishte festuar trevjetorin e martesës me bashkëshorten e tij. Dhimbja për familjen është shumë e madhe. Admiri po shkonte në punë kur ndodhi kjo tragjedi. Ai jetonte prej shumë vitesh në Itali bashkë me familjen e tij. Kanë dokumente të rregullta dhe kanë punuar si gjithë të tjerët. Në momentin e ngjarjes ka qenë në makinë bashkë me shqiptarin tjetër që humbi jetën. Jemi të tronditur”, u shpreh ai. Mëngjesin e djeshëm, dy prindërit, Asllan dhe Mimo- za Bokrina, janë nisur menjëherë drejt Italisë pas humbjes së jetës së djalit të tyre. Sapo të përfundojnë procedurat, pritet që të sillet trupi drejt Shqipërisë dhe të bëhet më pas ceremonia e varrimit. Sipas të afërmve, Admir Bokrina ishte larguar që 12 vjeç drejt Italisë bashkë me familjen e tij. Pasi është shkolluar ka nisur punën dhe është martuar duke nisur jetën e tij. Shembja e urës ka shuar çdo ëndërr të 32- vjeçarit, ndërsa ka sjellë një dhimbje të madhe te familja, të afërmit dhe banorët e fshatit Oblikë.
Dhimbja për familjen është shumë e madhe. Admiri po shkonte në punë kur ndodhi kjo tragjedi. Ai jetonte prej shumë vitesh në Itali bashkë me familjen e tij. Kanë dokumente të rregullta dhe kanë punuar si gjithë të tjerët. Në momentin e ngjarjes ka qenë në makinë bashkë me shqiptarin tjetër që humbi jetën. Jemi të tronditur