Policia reagon për biznesmenin Bego: Shleu dënimin me 1 vit e 11 muaj burg
Alibeaj: Sa herë ka komunikuar në numrin 0682049189?
Partia Demokratike ka akuzuar qeverinë, Policinë e Shtetit dhe Prokurorinë, se po heshtin në lidhje me akuzat e ngritura nga opozita për arrestimin e Edmond Begos për t’i dhënë kohë kreut të Grupit Parlamentar të PS, Taulant Balla, të harrohet kjo histori.
Përmes një deklarate për mediat, nënkryetari i Grupit Parlamentar të PDsë, Enkelejd Alibeaj, akuzoi drejtpërdrejt Ballën për njohje dhe komunikime me Begon. “Në vend që Policia t’u thotë shqiptarëve pse autoritetet greke kanë arrestuar dhe kanë vendosur të mbajnë në burg narkotrafikantin me lidhje politike, Policia hesht. Në vend që Prokuroria të nisë menjëherë hetimet për të zbardhur arsyet e mosveprimit të Policisë së Shtetit ndaj trafikantit të shndërruar në biznesmen të fuqishëm ndërtimi, Prokuroria hesht. Në vend që Edi Rama t’i kërkojë Taulant Ballës të sqarojë pozicionin e tij, Edi Rama hesht. Në vend që Taulant Balla t’u përgjigjet pyetjeve, kryetari i Grupit Parlamentar të Partisë Socialiste, hesht, me shpresën se gjithçka do të harrohet. Taulant Balla dhe padroni i tij, Edi Rama, e kanë gabim”, deklaroi Alibeaj.
AKUZA Për të treguar se akuza e tyre nuk është thjesht politike, demokratët publikuan edhe një numër telefoni, me të cilin pretendojnë se janë bërë thirrjet telefonike mes Ballës dhe Begos. “Taulant Ballën nuk e ndihmon dot fshehja pas mashtrimeve të trasha të zëdhënësit të krimit në Grupin Parlamentar të Partisë Socialiste, Pjerin Ndreu, i cili tha dje se trafikanti i drogës ishte liruar menjëherë nga drejtësia greke. Balla duhet t’u shpjegojë shqiptarëve: Çfarë e lidh me trafikantin e drogës, të shndërruar në biznesmen të fuqishëm këto dy vitet e fundit? Sa herë ka komunikuar me Edmond Begon në numrin e telefonit 0682049189? A është Taul- ant Balla sekser për miliona euro punë publike të marra nga kompania e ndërtimit të narkotrafikantit biznesmen? Këtyre pyetjeve, Taulant Balla nuk u shpëton dot”, tha Alibeaj.
AUTORITETET Nënkryetari i Grupit të PD- së theksoi se partnerët ndërkombëtarë, por edhe vetë shqiptarët, janë të bindur se Shqipëria është kthyer në parajsën e krimit të organizuar për shkak të lidhjeve direkte me drejtuesit më të lartë të pushtetit. Por, sipas opozitës, Policia e Shtetit dhe Prokuroria duhet të japin llogari përse nuk janë zbatuar urdhrat e arrestit dhe përse nuk ishte arrestuar në Shqipëri Edmond Bego. “Policia e Shtetit dhe Prokuroria duhet t’u thonë shqiptarëve: Si është e mundur që një trafikant ndërkombëtar droge, i shpallur në kërkim ndërko- mbëtar nga autoritetet italiane, arrestohet nga Policia greke, por jo nga Policia shqiptare? Çfarë e pengon Prokurorinë të zbatojë ligji Antimafia për sekuestrimin e pasurisë dhe bizneseve të trafikantit ndërkombëtar të drogës, Mond Bego?”, theksoi deputeti i PD- së.