Kush s'paguan 15% tatim nga qiratë e shtëpive, do gjobitet
Kush përfiton të ardhura nga lëshimi i apartamenteve me qira, brenda datës 20 shtator duhet të paguajë 15 për qind tatim, në rast të kundërt gjobitet. Drejtoria e Përgjithshme e Tatimeve njoftoi dje të gjithë personat e paregjistruar detyrimin për të deklaruar dhe paguar tatimin mbi të ardhurat e përfituara nga dhënia me qira e shtëpive apo apartamenteve. Gjatë sezonit turistik, Administrata Tatimore njofton se i ka kushtuar vëmendje të veçantë garan- timit të përmbushjes vullnetare të këtij detyrimi nga ana e individëve, të cilët shfrytëzojnë këto mjedise për pushimet verore. Tatimet, në bashkëpunim edhe me institucione të tjera, do të shfrytëzojë çdo burim informacioni për të identifikuar këto transaksione. Administrata tatimore shprehet se individi, përfitues i të ardhurave, është i detyruar të deklarojë dhe të paguajë në organin tatimor përkatës tatimin në masën 15 për qind të të ardhurave të realizuara, jo më vonë se data 20 e muajit që pason muajin, në të cilin është kryer pagesa. Deklarimi duhet të kryhet elektronikisht ço muaj online, në rast të kundërt qytetarët do të gjo- biten. "Individi përfitues i të ardhurave, plotëson rubrikën 15 "Pagesat për qiratë" të deklaratës së tatimit të mbajtur në burim, duke hedhur shumën mujore të përfituar nga qiratë dhe tatimin e llogaritur në masën 15 për qind. Duke klikuar butonin "dorëzo", deklarimi përfundon dhe dorëzohet në Administratën Tati- more. Pas dorëzimit, deklarata mund të printohet për efekt dokumenti, duke klikuar butonin "printo". Për kryerjen e pagesës, individi, përfitues i të ardhurave, në menynë "deklarata të dorë- zuara", zgjedh periudhën përkatëse dhe shtyp butonin "printo urdhër pagesë". Ky urdhër i printuar shërben për të kryer pagesën në sportelet e bankave të nivelit të dytë", shpjeguan Tatimet.