Hysaj bën Napolin “me krahë”, i frikshëm me Ançelotin
"Jam gati dhe do të përshtatem me filozofinë e Ançelotit. Do t'u tregoj të gjithëve se mund të luaj edhe me një tjetër trajner dhe nuk jam vetëm për urdhrat e Sarrit". E tillë ka qenë deklarata e Elseid Hysaj, disa ditë para nisjes së kampionatit. Me sa duket, mbrojtësi i Kombëtares ka kaluar nga fjalët te veprat.
STATISTIKAT
Në ndeshjen e parë të kampionatit për këtë sezon, Napoli mund të krenohet me shumëçka, përveç fitores dhe tri pikëve. Një prej të dhënave pozitive në këtë përballje ka qenë edhe paraqitja e futbollistit shqiptar. Elseid Hysaj është transformuar me trajnerin e ri dhe ndaj bardhekaltërve të Strakoshës është parë që të ishte mbrojtësi më aktiv. 105 topa të prekur nga shqiptari, ndërkohë që Mario Rui numëron 110 dhe Kulibali 118. Të dhënat statistikore tregojnë për një lojë nga krahët të Ançelotit, i cili u ka dhënë fuqi napolitanëve. "Më parë, Rui ishte ai që shoqëron- te aksionet deri në fund, ndërkohë që Sarri kërkonte nga Hysaj që të kishte kujdes vetëm prapavijën. Mirëpo, me Ançelotin, krahët janë njësoj të lëvizshëm dhe shqiptari është parë gjatë gjithë ndeshjes që të jetë në fundore. Aksioni i golit të Insinjes është vetëm një prej tyre", shpjegohet manovra sulmuese e Hysajt në analizën taktike të mediave italiane.
RIKUPERIMET
Krahas ndihmesës në sulm, Hysaj ka qenë më i miri në fushë për sa i përket detyrës së tij: Mbrojtjes. Shifrat e takimit tregojnë se mbrojtësi i Kombëtares ka ndërprerë nëntë aksione të Lacios, thuajse njësoj sa dyshja napolitane e prapavijës Kulibali ( 6) e Albiol ( 5). Ndaj Lacios, Hysaj vuri në zbatim gjithçka kërkon Ançeloti dhe që në start shqiptari është parë i transformuar. Napoli i Ançelotit është bërë "me krahë".