Bregu: Skënderbeu, "trampolina" më e mirë

Realizoi një eurogol nga goditja e dënimit dhe më pas rrjetën që mbylli takimin pas aksionit të Oto Xhon. Dejvi Bregu e ka nisur me ritmin e duhur te korçarët dhe jo më kot në deklaratën për "SuperSport" thotë se Skënderbeu është trampolina më e mirë nga Shqipëria. Bregu është i qartë në kërkesat e tij, teksa shprehet se në dëshirat e tij, kur të vijë momenti të largohet nga Shqipëria, do të jetë vetëm kërkesa për minutazh kudo që të transferohet.

Gol në Superkupë dhe kjo paraqitje e shkëlqyer. Çfarë ritmi ka Skënderbeu ndryshe nga Luftëtari?

Skënderbeu ka një ritëm akoma më shumë. Gjërat këtu më janë bërë më të thjeshta. I falënderoj të gjithë për mikpritjen.

Mendoni se mund të grumbulloheni me Ko- mbëtaren me këto paraqitje?

Nuk e mendoj. Mendoj të bëjë mirë këtu dhe ajo pjesë u takon të tjerëve. Siç e kam planifikuar edhe me agjentin tim, shpresoj të shkoj në një kampionat më të fortë.

Keni ndonjë ambicie ose ndonjë bast me veten për golashënues?

S'kam ambicie për gola, por të arrijmë sa më mirë. Dua që të realizoj objektivat e mia personale, të cilat në fillim të vihen në dispozicion të skuadrës.

Skënderbeu më i mirë si trampolinë apo Luftëtari, nga ku ish- shoku i skuadrës Abazaj shkoi tek Anderlehti?

Unë do të shkoj ku ma ka shkruar Zoti. Skënderbeu është trampolina më e mirë. Një gjë që do të kërkoj kur të iki nga këtej, është që të luaj atje ku do të shkoj.