Kufijtë me Kosovën, Topalli: Rama lau duart “Heshtja e Bashës? Mos ia vini re, ai nuk ekziston”
Ish- kryetarja e Parlamentit, Jozefina Topalli, ka kritikuar ashpër Kryeministrin Rama dhe kryetarin e opozitës për mosmbajtjen e një qëndrimi për debatin e ndryshimit të kufijve të Kosovës. Topalli ka komentuar takimin e kryeministrave të rajonit të mbajtur në Durrës, teksa tha se Rama i lau duart dhe nuk tha asnjë fjalë për çështjen e kufijve, ndërkohë më e ashpër ishte ndaj Lulzim Bashës, për të cilin tha se “Ai me heshtjen e tij epike tregon se nuk ekziston”. “As sot në takimin informal të kryeministrave( të munguar) te rajonit nuk u fol për atë që po ndodh, me përjashtim të Haradinajt. Thua se kufijtë janë çështje e dorës së fundit .. ku e ku më pak e rëndësishme se roaming në rajon, që nuk i hyn kujt fort në punë.. Kosova i ka kufijtë e saj, tha natyrshëm Kryeministri i Kosovës edhe në konferencë shtypi. Kryeministri sh- qiptar nuk tha se ishte dakord me Haradinajn. Në përgjigje të pyetjes për ndryshime kufijsh , ai tha se e mendonte si Hani, i cili praktikisht bëri kujdes të mos të angazhohej në deklarata.
Sot Rama ngjasonte si Pilati. Lau duart. Nuk kishte gjë me thënë për kufijtë shqiptarë, ndërkohë që tha se nuk mund të ishte indiferent ndaj emigrantëve që vijnë nga Afrika.
Duke u kthyer te Thaçi”, shkruan Topalli në postimin e saj në “Facebook”. Ishnënkryetarja e PD- së, tha se integriteti territorial i një ven- di nuk mund të jetë në dorën e një individi, por ai është i përcaktuar në Kushtetutën e Kosovës. Topalli ka thënë se diskutimi i ndryshimit të kufijve nuk mund të bëhet nga dy individë dhe askush s’ka të drejtë të hedhë në pazar tokat shqiptare. “Integriteti territorial i një vendi nuk është e nuk mund të jetë në dorë të një njeriu. Ai është i përcaktuar në dokumentet themeltare të vendit, në Kushtetutën e Kosovës, në dokumentet ndërkombëtare. Çështja e kufijve nuk është çështje as e dy personave dhe as e dy vendeve. Rrezja e influencës se saj shkon përtej rajonit dhe Europës. Ajo bëhet globale. Prandaj, asnjeri as ka të drejtë, as ka mandatat me hedh në pazar tokat shqiptare. Sa për heshtjen epike të kryetarit të opozitës në Shqipëri për çështjen e kufijve, mos ia vini re... ai nuk ekziston”, shkruan ish- kryetarja e Kuvendit.