Monitorimet me dron, gjobiten 128 shoferë
Ndëshkohen dhe drejtues urbanësh që s’ndalojnë në stacion
Policia Rrugore e Tiranës në bashkëpunim me Njësinë Operacionale të Policisë Rrugore kanë vijuar kontrollet në funksion të planeve të nisura më herët nga Rrugorët e kryeqytetit. Krahas kontrolleve me mjetet speciale, radarë e dragera, apo formave të tjera të organizimit për të evidentuar e ndëshkuar shkelësit e Kodit Rrugor, tashmë monitorimi dhe konstatimi i shkeljeve po realizohet edhe me dron. Kontrollet u fokusuan në drejtim të kontrollit dhe ndëshkimit të drejtuesve të mjeteve, që nuk u japin përparësi mjeteve që qarkullojnë në rrethrrotullim, mjeteve që nuk u japin përparësi këmbësorëve në vendkalimet e tyre, mjeteve që kryejnë parakalime në rrugë me fushëpamje të kufizuar ku dhe rrezikshmëria për t’u përfshirë në aksidente rrugore është më e madhe. Por, edhe drejtuesit e urbanëve që ndalojnë për të marrë pasagjerë jashtë stacioneve të caktuara. Nga monitorimet dhe kontrollet përgjatë këtyre ditëve, janë konstatuar dhe ndëshkuar me masa administrative, 128 drejtues mjetesh për shkeljet e lartpërmendura. Policia Rrugore e Tiranës apelon për zbatim të rregullave të qarkullimit si nga drejtuesit DREJTUES automjetesh janë ndëshkuar me masa administrative nga Policia Rrugore e Tiranës gjatë këtyre ditëve, pasi nga monitorimet me dronë janë konstatuar se nuk kanë respektuar rregullat e qarkullimit rrugor, me parakalime të gabuara, mosdhënie përparësie ndaj këmbësorëve, etj e mjeteve, ashtu dhe nga këmbësorët, me qëllim rritjen e parametrave të sigurisë rrugore. Prej disa ditësh, për të monitoruar shpejtësinë, parakalimet e gabuara, ruajtjen e distancës së sigurisë, sjelljet jo korrekte në rrethrrotullime, etj., Policia Rrugore nisi përdorimin e dronëve. “Duke shfrytëzuar mjetet e teknologjisë dixhitale, përveç përdorimit të radarëve matës të tejkalimit të limiteve të shpejtësisë së mjeteve, shërbimi i Policisë Rrugore ka filluar kontrollet edhe me dronë në akset kryesore rrugore. Shkelje të tilla si: parakalimi i gabuar, pozicioni i mjetit në karrexhatë, sjelljet jo korrekte në rrethrrotullime, mosruajtja e distancës në udhëtim, ndryshimet e papritura të korsisë në rrugët interurbane kryesore dhe autostrada, janë shkelje që tashmë do të identifikohen edhe me dron nga ana e patrullave”, deklaroi pak ditë më parë gjatë një dalje publike, drejtori i Përgjithshëm i Policisë Rrugore, Mithat Tola.