Skema, FSHF cakton fatet në Kupën e Shqipërisë
Datat dhe përballjet, klubet me "laps në dorë" për kualifikimin
Federata Shqiptare e Futbollit ka zbardhur dje skemën e Kupës së Shqipërisë.
Nga sa është përcaktuar në Sektorin e Garave, dje është zbardhur skema që do të ndjekin skuadrat deri në fazën gjysmëfinale të kompeticionit, nga ku do të nisë edhe shorti që paraprin finalen. Sërish institucioni i futbollit në vend është skematik dhe nuk bën asnjë ndryshim në këtë format, duke mos pasur asnjë interesim për ta forcuar atë dhe për ta bërë më tërheqës.
KUPA E SHQIPËRISË
Shumë prisnin që të kishte ndërhyrje në futbollin shqiptar, përtej Superiores. Mirëpo, siç nuk pati asgjë ndryshe për Kategorinë e Parë, me gjithë skandalet dhe skemën aspak të goditur të një sezoni më parë, Kupa e Shqipërisë do të vijojë të luhet me të njëjtin rrugëtim, me skuadra si Laçi që ia kanë marrë dorën dhe kanë fituar eksperiencën që duhet për të shkuar lehtësisht deri në gjysmëfinale. Në bazë të përcaktimeve nga Sektori i Garave, skuadrat janë ndarë në dy grupe, A dhe B, prej të cilave nuk bëhet asnjë ndërthurje ndeshjesh në tri fazat e para. Vetëm çiftet gjysmëfinaliste, të cilat do të përcaktohen sipas shortit, mund të gjejnë rivalë mes skuadrave nga grupi tjetër.
SKEMA
Institucioni i futbollit ka bërë dje me dije edhe datat dhe të gjithë rrugëtimin që do të ndjekin ekipet deri në fazën gjysmëfinale të Kupës së Sh- qipërisë. Gjithçka nis më 2 shtator me turin e parë paraeliminator, me sfidat Veleçiku- Klosi dhe Elbasani- Oriku. Më tej, turi i parë që korrespondon me fazën e 1/ 16- ave, do të lu- het me sistemin vajtje- ardhje, ku takimet e para janë përcaktuar 2 ditë pas Kombëtares, më 12 shtator dhe ndeshjet e kthimit më 26 shtator. Sipas skemës së përcaktuar nga FSHF, skuadrat e kualifikuara do të luajnë sërish me sistemin vajtje- ardhje në fazën e 1/ 8- ave në datat 23 janar dhe 6 shkurt të vitit 2019. Faza çerekfinale do të zhvillohet më 13 dhe 27 mars. Institucioni i futbollit në vend ka saktësuar se faza gjysmëfinale e Kupës do të luhet në datat 24 prill 2019 dhe 5 maj si dhe që finalja do të zhvillohet më 30 maj.