Barazim drithërimash në Korçë, Laçi i merr 1 pikë Skënderbeut
Pas Champions- it, edhe Liga e Europës ka ndarë 48 protagonistet e saj në 12 grupet respektive.
Pasditja e Montekarlos ka qenë fatlume për skuadrën e Milanit, e cila arriti që të bindë UEFA- n për pjesëmarrjen e saj në këtë kompeticion, pas një dënimi fillestar, për probleme financiare në bilanc. Gjithsesi, dje, Paolo Maldini dhe Leonardo, dy krerët e lartë kuqezinj, kanë dalë të lumtur nga "lotaria" e golave, duke qenë se do të jenë të pozicionuar në Grupin F përkrah Olimpiakosit ( Greqi), Betisit ( Spanjë) dhe Dudelanzhit ( Luksemburg). Ndërkohë, atyre që do u duhet të vuajnë shumë, do të jenë italianët e tjerë të Lacios, të cilët gjejnë në Grupin H Marsejën, Frankfurtin dhe Apollon Limasolin, skuadra me shumë eksperiencë në Ligën e Europës, të cilat nuk u kanë pëlqyer aspak drejtuesve të kaltër. Ndërkohë, për sa u përket skuadrave të tjera të mëdha, rekordmenia e turneut, Seija, është pozicionuar në Grupin J me Krasnodarin, Starndart Liezhin dhe Akhisarin; Çelsi do të gjejë PAOK- un ( Greqi), BATE- n ( Bjellorusi) dhe VIDI- in ( Norvegji), ndërsa Arsenali do të ketë gjithashtu një grup impenjativ ( Sporting Lisbona, Karabak, Vorskla), mbi të gjitha për transfertat e largëta që do i duhet të bëjë në Azerbajxhan dhe Ukrainë. Ndërkohë, edhe dy skuadrat e tjera me eksperiencë, Dinamo e Kievit ( Grupi K me Astana, Ren, Jablonec) dhe Beshiktashi ( Grupi I me Genk, Malmo e Sarpsborg) do të kenë përballje delikate për të luajtur.
FLET MALDINI
Në fund të shortit, drejtori i Zhvillimit Strategjik Sportiv i Milanit, legjenda Paolo Maldini, është shprehur shumë i kënaqur për kundërshtarët që do të ketë në grupe, por ndërkohë vendos edhe objektivin minimal të kuqezinjve. "Ishte një short pozitiv, një grup i cili është brenda mundësive tona. "Për sa i përket Olimpiakosit, është e kotë që të shpenzosh fjalë në lidhje me eksperiencën që ka kjo skuadër. Betisi gjithashtu do të na krijojë shumë shqetësime, sepse luajnë një futboll ofensiv, por janë edhe një skuadër e fortë fizikisht. Ndërsa, Dudelanzhi është një realitet i bukur, por gjithsesi mund të them se është një grup, nga ai i cili mund të marrim maksimumin. Ideja jonë është që të shkojmë sa më larg që të jetë e mundur. Milani duhet të luajë për të fituar Ligë e Europës? Pa dyshim që po. Të gjitha skuadrat italiane e kanë marrë shumë se- riozisht këtë turne në vitet e fundit. Ne mund të konkurrojmë për të arritur deri në katër skuadrat më të mira, duam të paktën gjysmëfinalet dhe aty do të kuptojmë më pas nëse mund ta synojmë trofeun ose jo. Tashmë, por edhe në të ardhmen, duke parë nivelet, në të cilat ka arritur futbolli, do të ishte absurde të mendoje se cilin kompeticion duhet të marrësh seriozisht dhe cilin jo". Pas hedhjes së shortit, Milani pritet që të ketë edhe një takim në UEFA, në lidhje me kushtet që ajo do t'u vërë kuqezinjve, duke parë problemet financiare që skuadra ka shfaqur në bilancet e viteve të kaluara dhe që vazhdojnë të ndikojnë. Por, as nga kjo temë Maldini nuk trembet. "Nuk mendoj se ne si klub duhet të rindërtojmë një marrëdhënie me UEFA- n. Përkundrazi, UEFA ka nevojë për Milanin dhe nëse Milani do të bëjë hapat e duhur në nivel financiar, nuk do të ketë asnjë problem me ta".
Ka përfunduar në Korçë ndeshja e parë e javës së tretë mes Skënderbeut dhe Laçit. Përtej ritmit të lojës, rezultati përfundimtar ishte 1 me 1. Ndërkohë që skuadra e Skënderbeut ka luajtur që në minutën e 74 me një lojtar më pak, pas ndëshkimit me kartonin e dytë të verdhë të lojtarit Abazi, 3 minuta nga fundi, nga fusha u largua edhe Demte, për shkak të një dëmtimi. Kështu, në pritje të ndeshjeve të tjera të kampionatit, Skënderbeu vazhdon të kryesojë me 7 pikë, ndërsa ekipi i Laçit ngjitet përkohësisht në vendin e dytë me 5 pikë. Dy barazime premtuese në transfertë përballë Kukësit dhe Skënderbeut dhe një fitore në shtëpi ndaj Luftëtarit, e konfirmojnë skuadrën e Mërgjyshit, si një "kockë" të fortë të kampionatit.