Berisha: Safet Bajri ka mbrojtjen e Ramës
Ish- Kryeministri Sali Berisha ka publikuar mesazhin e një punonjësi të Policisë Vendore të Drejtorisë në Shkodër, i cili denoncon se ngjarjet e fundit kriminale në qytetin veriperëndimor kanë lidhje me fisin Bajri dhe posaçërisht me Safet Bajrin, i cili është person i kërkuar nga drejtësia belge dhe, sipas tij, ka mbrojtjen e Kryeministrit Edi Rama. “Jam një punonjës policie në Drejtorinë e Shkodrës. Dua të informoj për situatën kritike që ndodhet qyteti i Shkodrës, kriminaliteti, vrasjet, zhdukjet e personave janë bërë të përditshme në Shkodër. Xhafa është duke bërë plazh dhe njerëzit në Shkodër masakrohen dhe zhduken. Po i njëjti person, Safet Bajri, i cili është protagonist për zhdukjen dhe ekzekutimin e dajës dhe nipit, në këtë ngjarje është i përfshirë dhe personi në kërkim për vrasje Admir Dekovi, ushtar i fisit të Bajrëve dhe Çapajve, i cili fshihet në Dobraç. Ky vrasës me pagesë ka mbrojtjen e kushëririt, i cili punon me detyrë shef i Shërbimit të Kontrollit të Brendshëm DPQ Shkodër, Arben Dekovit. Po ashtu para një jave në qendër të Shkodrës te teatri ‘ Migjeni’, shtetasi Safet Bajri godet me qytën e pistoletës disa herë një profesor të nderuar të qytetit Shkodër, shtetasin Agim Fermaca, duke e dëmtuar fizikisht vetëm për një provim që nuk e ka ndihmuar të dashurën e Safetit. Kjo ngjarje ka ndodhur në mes të ditës dhe në qendër të qytetit, askush nuk guxon të flasë pasi krimi në Shkodër bën ligjin, forca e ligjit ka kaluar në dorën e kriminelëve që kanë pushtuar Shkodrën. Vetëm këtë vit të dhënat tona dëshmojnë se Safet Bajri ka bërë 4 vrasje, në asnjë ngjarje nuk është shoqëruar, mbasi Policia nuk guxon sepse ata janë të lidhur direkt me Kryeministrin Edi Rama. Ju lutem doktor Berisha, anonim, se shteti nuk të mbron, të len në rrugë të madhe. Narkoqeveria, ku listën e policëve që transferohen për dënime politike dhe të pushtetit që lëvizin në vende të mira, i bën shefi i Laboratorit Arben Byqiri me ndihmën e Luan Harushësh”, përfundon mesazhi i policit dërguar Berishës.