Vuçiç i do kufijtë e Serbisë përtej Jarinjës e Bërnjakut
“Do dihet se çfarë kemi mundur të kemi dhe ç’kemi humbur për kohë të panumërta deri tani”
Presidenti i Serbisë, Aleksandar Vuçiç, ka deklaruar të dielën se do të jetë shumë e vështirë të arrihet një marrëveshje për Kosovën.
I pyetur nga mediat se çfarë mendon për ndryshimin e kufijve dhe nëse kjo mund të ndikojë në hapjen e konflikteve të reja, Vuçiç është shprehur se, “Është shumë e qartë se ne jemi shumë larg nga çdo marrëveshje dhe se do të jetë vështirë. Por është shumë e rëndësishme për atë që thashë dhe për atë që do të them vazhdimisht, pasi kjo do të hyjë në histori, sepse do të dihet se çfarë kemi mundur të kemi, dhe çfarë kemi humbur për kohë të panumërta deri tani. Është e rëndësishme të mbash shënime për historinë”, tha Presidenti i Serbisë. Vuçiç shtoi se ka porositur opozitën serbe që të lexojë marrëveshjet e Brukselit, të cilat, sipas tij, janë të njëanshme. “Kur ne po flasim për këtë, në marrëveshjen e Brukselit, ne shmangim mbështetjen e hyrjes së Kosovës në OKB dhe ne gjithashtu shmangim faktin që Forca Policore Rajonale e Veriut të jetë e përbërë në bazë të ‘ qarkut komunist’, për shkak të të cilit shqiptarët do të kishin 70 për qind të policëve dhe ne vetëm 30 dhe sot kemi 98 për qind të policëve në Veri”, shpjegoi ai. Vuçiç tha se ata që vendosën kufijtë mes serbëve në Jarinjë dhe Bërnjak, i arrestuan ata që i dogjën ata kufij, i ndoqën ata në të gjithë Serbinë për të treguar se askush nuk duhet t’i kundërshtojë në marrjen e vendimeve të mëvonshme. “Pastaj shkuan edhe para Gjykatës Ndërkombëtare të Drejtësisë dhe i dhanë legjitimitet pavarësisë së Kosovës. Sot ata shqetësohen nga ajo që dikush do të thoshte ‘ jemi kundër kufijve në Jarinjë dhe Bërnjak’. Ne nuk mendojmë se ka kufij midis serbëve dhe Serbisë. Le të kthehemi pas, që të paktën të fitojmë diçka. Ata do të duan me çdo kusht të shmangin që Serbia të marrë diçka”, theksoi Vuçiç. I pyetur nëse nuk arrihet zgjidhje në dialog, Serbia do të kthehet në vitet ’ 90, Vuçiç e hodhi poshtë një mundësi të tillë, duke thënë se nuk ka kthim prapa. Zërat për konflikte të mundshme në rast zgjidhjeje me ndryshim kufijsh mes Serbisë dhe Kosovës janë dëgjuar nga Kryeministri i Kosovës, Ramush Haradinaj si dhe opozita, të cilët kanë bërë një paralajmërim se si mund të ndërlikohet situata, më shumë sesa një kërcënim. Edhe zyrtarët më të lartë të BE- së nuk e përkrahin zgjidhjen me ndryshim kufijsh që me sa duket do të vendoset në vija etnike, e cila është një zgjidhje e propozuar prej shumë vitesh nga serbët. Presidenti Vuçiç u acarua me zyrtarët perëndimore në BE, të cilët thanë se nuk duhet të disku- tohet ndryshimi i kufijve për të arritur marrëveshje. “Pse nuk na lini të eksplorojmë zgjidhjen, kjo është diçka qe na përket ne dhe shqiptarëve, nuk ju përket ju?”, ka deklaruar ai ditë më parë kur foli në një samit mbi mundësinë e një mar- rëveshjeje me Kosovën. Zyrtarët europianë druhen se një marrëveshje me ndryshim kufijsh në vija etnike do të provokojë kërkesa të ngjashme në rajon, dukë çoroditur çdo politikë shumëetniciteti, që është arritur me shumë mund deri tani.