Mogherini: Koha për t'i dhënë fund konfliktit mes Kosovës dhe Serbisë

Kryediplomatja e BE- së, Federica Mogherini, ka deklaruar të hënën se ajo nuk do të garojë për një mandat të dytë kur të përfundojë mandatin e saj pranverën e ardhshme. Kjo është arsyeja pse ajo kërkon shpejt një marrëveshje mes Kosovës dhe Serbisë, e cila do t'i bënte të dyja vendet që të njihnin njëra- tjetrën. "Besoj se ekziston një shans i vërtetë për arritjen e një marrëveshjeje gjithëpërfshirëse dhe të detyrueshme ligjore për normalizimin e marrëdhënieve mes Kosovës dhe Serbisë në muajt e ardhshëm", tha Mogherini. "Unë besoj se ekziston një shans i vërtetë që Aleksandar Vuçiç dhe Hashim Thaçi mund të arrijnë marrëveshje për të gjitha çështjet e hapura ndërmjet Beogradit dhe Prishtinës, një marrëveshje gjithëpërfshirëse dhe ligjore për normalizimin e marrëdhënieve midis dy palëve, një marrëveshje që është plotësisht në përputhje me të drejtën ndërkombëtare dhe që mund të kontribuojë në stabilizimin e të gjithë rajonit", ka theksuar ajo në fjalimin e saj për ambasadorët e BE- së në Bruksel. Sipas Mogherini- t, BE duhet të vazhdojë të punojë në Ballkan dhe Ballkani duhet të punojnë me BE me vendosmëri dhe këm- bëngulje. "Viti i kaluar ishte tepër intensiv dhe muajt e ardhshëm do të jenë edhe më vendimtarë. Vitin e ardhshëm, në 2019- n, 20 vjet pas luftës në Kosovë, besoj se është koha ta përfundojmë më në fund konfliktin. Pra, besoj se ne duhet të bëjmë gjithçka që mundemi së bashku me partnerët tanë në Europë, rajon dhe në skenën ndërkombëtare, duke filluar me Këshillin e Sigurimit të OKB- së, për të mbështetur negociatat përmes dialogut dhe brenda bashkësisë ndërkombëtare", tha Mogherini. Ajo kujtoi se Athina dhe Shkupi arritën një marrëveshje një vit më parë dhe se një referendum mbi këtë çështje do të mbahet brenda disa javësh dhe se viti i ardhshëm do të jetë një vit intensiv për përgatitjet për hapjen e pranimit së negociatave me Maqedoninë dhe Shqipërinë. "Këto mundësi duhet të përdoren tani, ky vit është viti. Nuk është çështje e koncesionit, është në interes të qytetarëve europianë, brenda dhe jashtë BE- së. Në Ballkan, sot është shumë e qartë se BE është një pikë referimi. Për të gjithë ata që kanë frikë se forcat e tjera janë gjithnjë e më të pranishme në rajon dua të them se sa herë që ne jemi të pranishëm në rajon, për të tjerët nuk ka vend", theksoi ajo.