Politika e SHBA për Kosovën: S'ka linja të kuqe
Administrata Trump qartësoi se nuk do të pranojë gjithçka
Gazeta britanike "The Guardian", në një shkrim të publikuar të hënën, ka cituar dy burime të njohura me qëndrimin e administratës amerikane të Presidentit Donald Trump, mbi politikën e re të SHBA- së për një marrëveshje të mundshme Beograd- Prishtinë. Dhe kjo politikë, sipas burimeve të tyre, është "nuk ka linja të kuqe, nuk ka çek të bardhë", shkruan artikulli i botuar me titullin "Plani i shkëmbimit të kufirit tokësor të Kosovës, nën zjarr nga të gjitha anët". Burimet e "Giardian" thonë se SHBA është e gatshme të shikojë çdo zgjidhje, duke përfshirë ndryshimet kufitare, por kjo nuk do të thotë se do ta mbështesë domosdoshmërisht marrëveshjen në fund. "Guardian" kujton në artikull se administrata amerikane kohët e fundit e nxiti planin kur këshilltari i sigurisë kombëtare në Shtëpinë e Bardhë, John Bolton, tha se Uashingtoni nuk do të bëhej pengesë nëse Beogradi dhe Prishtina arrijnë një marrëveshje, duke përmby- sur një politikë të gjatë të SHBAsë, se ndryshimet e tjera kufitare në Ballkan janë të padëshirueshme. Sipas burimeve diplomatike të "Giardian", disa zyrtarë të BE- së kanë lënë të kuptohet se edhe ata mund të jenë të gatshëm për të mbështetur një marrëveshje që përfshin ndryshimet e kufijve. Nga ana tjetër, shumë vëzhgues rajonalë dhe ndërkombëtarë kanë vërejtur potencialin për efektet domino në rajon, ku disa kufij të mbeten ende të brishta dhe të hapura për sfidat nacionaliste. Kancelarja gjermane Angela Merkel ka dalë fort kundër kësaj ideje, ndërsa tre ish- përfaqësues të lartë në Bosnje i kanë shkruar një letër të hapur kryediplomates së BE- së, Federica Mogherini, duke i kërkuar asaj të mos mbështesë asnjë plan që përfshin këmbimet e tokës. Edhe Rusia ka mbajtur qëndrimin e saj, siç mund të parashikohet, vetëm në favor të Serbisë. Maria Zakharova, zëdhënëse e ministrisë së jashtme ruse, tha se i takonte Beogradit dhe Prishtinës të bien dakord për një marrëveshje, por ka theksuar se "marrëveshja duhet të pasqyrojë interesat e popullit serb, nëse Rusia do ta mbështesë atë". Ajo ka refuzuar të sqarojë sesi Rusia do t'i vlerësonte këto interesa.