NË PRESHEVË
Ish- kryetari i Preshevës, kryetar i Partisë Demokratike Shqiptare, Ragmi Musatafa, bëri një thirrje dramatike se, "Është momenti që nëna Kosovë t'i marrë shqiptarët e Luginës së Preshevës dhe t'i mbrojë nga kasaphana serbe". Ai ka theksuar se tani do të ishte koha e duhur që kjo trevë t'i bashkohej Kosovës, por edhe nëse kjo gjë nuk ndodhë, ëndrra dhe dëshira e shqiptarëve atje për këtë gjë nuk do të shuhet kurrë.
Shkak u bë mungesa e opozitës në sallë, mungesa e votave për miratimin apo rrëzimin e secilës pikë në rend dite, çka e vuri shumicën në Kosovë në një pozitë të vështirë, duke u varur nga votat e deputetëve të Listës Serbe. Seanca e jashtëzakonshme, pas dështimit në mëngjes, kur shumica nuk i mblodhi dot votat e nevojshme, ishte planifikuar të vazhdonte rreth orës 18: 00. Kryetari i Grupit Parlamentar të opozitares LDK, Avdullah Hoti, në një deklaratë për media tha se shtyrja e seancës së jashtëzakonshme po ndodh për të pritur votat e deputetëve serbë në Kuvendin e Kosovës, që pritet të mbështesin Thaçin. Kjo, sipas tij, kujton skenarin e formimit të qeverisë, ku po ashtu mbeti në dorë të votave të Listës Serbe. "Kam përshtypjen se është situatë si ajo kur është themeluar qeveria, atëherë është dashur të priten deputetët serbë. Tashmë po ndodh e njëjta gjë", ka thënë Hoti. Në seancën e pasdites deputetët opozitarë munguan. Bojkoti nga opozita bëri që seanca të shtyhej për të mërkurën, dy ditë para takimit në Bruksel të Presidentit Hashim Thaçi.
Ndërkohë Kosova po mbetet me një delegacion të pamiratuar në Kuvend për këto bisedime. Kryeministri i Kosovës, Ramush Haradinaj, mosardhjen e opozitës në seancë e ka quajtur të gabuar, pasi roli i partive opozitare do të ishte i rëndësishëm në debatin mbi dialogun me Serbinë me ndërmjetësimin e BE- së në Bruksel. I pyetur nëse ka hequr dorë fare nga votimi i rezolutës së opozitës, Haradinaj ka thënë se, "E kemi vështirë të vlerësojmë si do të veprojmë. Ishte gabim mosardhja e opozitës në seancë paraprake. Votimi i një delegacioni të qeverisë ku ishte i paraparë edhe roli i opozitës do të hapte një dialog, që edhe pozita ta ketë mendimin e vet për re- zolutën. Mosardhja në seancë na ka vendosur në një pozitë të pafavorshme", tha ai. Haradinaj ka bërë të ditur se nuk është propozuar platformë lidhur me bisedimet me palën serbe për një marrëveshje përfundimtare për normalizimin e marrëdhënieve, por vetëm një delegacion. "Kohë më përpara Kuvendit i kam propozuar platformë, por atëherë nuk kishte mirëkuptim. Tashmë i kam propozuar delegacionin. Të shohim tash a do të ketë mirëkuptim", u shpreh Haradinaj. Seanca vazhdon sot në orën 14: 00.