Shisnin heroinë në Tiranë, dy të arrestuar, një në kërkim
Antidroga sekuestron 2.5 kg drogë, armë zjarri e municion
Dy persona janë arrestuar dhe një tjetër është shpallur në kërkim nga Policia e Tiranës, gjatë një operacioni të Antidrogës, që goditi një grup të shpërndarjes së heroinës.
Operacioni u realizua mes një blloku pallatesh në zonën e njohur si “Oxhaku”, në kryeqytet. Efektivët e Forcës së Posaçme dhe ata Kundër Narkotikëve, ishin vënë në ndjekje të një automjeti, ku dyshohej se ndodhej një sasi e konsiderueshme lënde narkotike. Pasi ishin sinjalizuar për vendin ku do të kryhej shkëmbimi, forcat policore kanë vendosur të ndërhyjnë për të bërë kapjen në flagrancë të autorëve. Dy prej tyre janë arrestuar, ndërsa i treti ka mundur të largohet dhe është shpallur në kërkim. Ndërsa gjatë kontrollit në automjetin që kishte në ndjekje, Policia ka gjetur 5 pako me lëndë narkotike të llojit kokainë, me peshë totale prej 2.5 kg, e cila dyshohet se do të shpërndahej në zona të ndryshme të kryeqytetit, kryesisht te ish- Blloku, Tirana e Re, Kinostudio, etj.. Një sasi tjetër drogë, si dhe armë zjarri e municion, u gjetën dhe u sekuestruan gjatë kontrollit të banesës së njërit prej të arrestuarve.
OPERACIONI Operacionin e djeshëm, që goditi një grup të shpërn- darjes së lëndëve narkotike, Policia e Tiranës e ka realizuar në zbatim të planit të masave për parandalimin, evidentimin dhe goditjen e elementëve me precedentë kriminalë në fushën e armëmbajtjes pa leje, të trafikut të lëndëve narkotike, atyre në fushën e vjedhjes, si dhe për kapjen e personave në kërkim. Gjatë mbrëmjes së të hënës, janë arrestuar 2 sh- tetas dhe një tjetër është shpallur në kërkim për veprën penale të “Prodhimit dhe shitjes së lëndëve narkotike e kryer në bashkëpunim”, ndërsa shtetasi tjetër është arrestuar për veprën penale “Mbajtja pa leje e armëve dhe municionit luftarak”. Janë arrestuar shtetasit, Luan Çela, 44 vjeç dhe Romeo Ramadani, 32 vjeç, banues në Tiranë, si dhe ësh- të shpallur në kërkim shtetasi me iniciale A. D., 41 vjeç. Policia tha se, në rrugën “Kujtim Laro”, gjatë kontrollit të ushtruar në automjetin me targë AA 821 OG, me drejtues shtetasin Luan Çela dhe pasagjer shtetasin Romeo Ramadani, është gjetur një qese brenda të cilës ndodhej një kuti me 5 pako të mbështjella me natriban. Gjithashtu, gjatë kontrollit të ushtruar në banesat e shtetasve Luan Çela dhe Romeo Ramadani janë gjetur përsëri një sasi e dyshuar lënde narkotike dhe municion luftarak. Në cilësinë e provës materiale janë sekuestruar 2.5 kg lëndë narkotike e llojit heroinë, një automjet, 2 armë zjarri, 16 fishekë arme gjahu, dylbi, fishekë arme zjarri të kalibrit 7.62 mm dhe 45 fishekë manovre.