PS i rrëzon dekretin Metës, Ahmetaj: Kazinotë jashtë qyteteve
“Presidenti është këshilluar gabim, ligji rrit taksën për Lotarinë Kombëtare në 15 %. Kazinotë do largohen nga 1 janari”
Komisioni i Ekonomisë, me votat e maxharoncës, rrëzoi dje dekretin e Presidentit Ilir Meta për rishqyrtimin e ligjit të tatimit të të ardhurave te lojërat e fatit.
Në dekretin e Presidentit argumentohej se ndryshimi i mënyrës së tatimit të të ardhurave ul barrën fiskale te lojërat e fatit. Ministri i Ekonomisë dhe Financave, Arben Ahmetaj, tha në Komisionin e Ekonomisë, se ligji për të ardhurat nuk ndryshon mënyrën e taksimit te lojërat e fatit, por rrit taksimin për Lotarinë Kombëtare, nga 10 për qind në 15 për qind. Ministri i Financave lajmëroi se nga 1 janari 2019, në zonat e banuara të qyteteve dhe fshatrave nuk do të ketë më kazino elektronike. Ministri Ahmetaj tha se largësia e basteve sportive do të jetë 200 m larg njëri- tjetrit.
AHMETAJ Ministri Ahmetaj argumentoi se ligji unifikon taksimin e Lotarisë Kombëtare me atë të lojërave të tjera të fatit. Kreu i Financave tha se Lotaria Kombëtare taksohej 10 për qind nga 15 për qind që paguajnë kompanitë e tjera. “Për sa i përket dekretit, unë besoj që ata që kanë këshilluar Presidentin, e kanë këshilluar gabim. Çfarë thotë Presidenti? “Për sa më sipër, thotë, nga shqyrtimi i ligjit 39/ 2018, konstatohet se vetëm një dispozitë e tij, më konkretisht neni 6 i ligjit që iu referova, paraqet një problematikë, thotë Presidenti, të theksuar pasi parashikimet e atij realizojnë uljen e barrës fiskale për bizneset që operojnë sot në të gjitha kategoritë e lojërave të fatit”. Kjo gjë nuk është e vërtetë, përkundrazi. Pra, dikush që e ka këshilluar natyrshëm, e ka këshilluar gabim. E ka këshilluar me qëllim, e ka këshilluar pa dashje, për shkak të padijes, e kanë këshilluar teknikë, e kanë këshilluar politikanë? Ky është një diskutim përtej kësaj tryeze. Por, ajo që bën ligji është se rrit ngarkesën fiskale për atë kompani që ishte e përjashtuar nga definicioni standard dhe nga taksimi 15 për qind. Deri dje Kryetari i Komisionit të Ekonomisë, Erion Braçe, propozoi dje që tatimi mbi fitimin e lojërave të fatit të rritet në 50 për qind, pasi normat e tyre të fitimit janë të larta. Kreu i Komisionit u shpreh se rritja e taksimit do të frenonte përhapjen e lojërave të fatit në vend. Duke iu referuar shifrave për 2017, Braçe tha se fitimet e kompanive të lojërave të fatit arrijnë deri në 34 për qind të xhiros. Ministri i Financave dhe Ekonomisë tha se qeveria do të rishikojë taksat për lojërat e fatit, por Ahmetaj nuk dha shifra konkrete të rritjes së taksimit. taksohej me 10 për qind, kur ta aprovojmë do të taksohet 15 për qind. E vetmja gjë që bëri dekreti është se shtyu taksimin me 15 për qind, pra, la dhe ca muaj një taksim 10 për qind. Këtë bëri dekreti, dhe ne, me rrëzimin e dekretit, do lejojmë hyrjen në fuqi të 15 për qind të taksimit të ri mbi këtë kompani”, argumentoi ministri Ahmetaj. HEQJA E KAZINOVE Ministri i Financave lajmëroi se nga 1 janari 2019, në zonat e banuara të qyteteve dhe fshatrave nuk do të ketë më kazino elektronike. Ministri Ahmetaj tha se largësia e basteve sportive do të jetë 200 m larg njëri- tjetrit. “Në 1 janar nuk do të ketë më në qytet kazi-
no elektronike. Do të largohen nga qyteti dhe këtë vendim e ka marrë kjo maxhorancë, e ka marrë maxhoranca e Partisë Socialiste të Shqipërisë, qeveria e Partisë Socialiste të Shqipërisë, ajo e ka marrë këtë vendim. Në 1 janar, dua ta ndaj me qytetarët, me kompanitë dhe me ju, nuk do të ketë më kazino elektronike në qytete. Në bazë të ligjit, kazinotë elektronike do të largohen në zona ku me ligj do të lejohet ky aktivitet, që nuk ka lidhje me zonat e urbanizuara. Largohen nga qytetet. E dyta, në bazë po të definicionit të ligjit, do të ushtrohen klauzolat e rrallimit të zyrave të basteve, 1 në 200 metra, jo 1 në 10 m, 1 në 15 m, 1 në 30 m”, u shpreh ministri.