POLLO: LIGJI "FUSHA", NË SHKELJE
Partia Demokratike deklaroi dje se Bashkimi Europian rrëzoi dje zyrtarisht Ligjin Special, që i jepte të drejtë firmës private "Fusha" të ndërtonte Teatrin Kombëtar. Deputetja Jorida Tabaku tha se shqetësimet e ngritura nga selia blu janë ngritur edhe në letrën e BE- së. "Komisioni Europian ka rrëzuar zyrtarisht Ligjin Special ' Rama- Fusha' për shkatërrimin e Teatrit Kombëtar dhe ndërtimin e kullave me paratë e drogës dhe korrupsionit, si një ligj korruptiv dhe kientelist. Qeveria e mbajti të fshehur për 4 ditë letrën e Komisionit Europian me qëllim manipulimin e opinionit publik, por përgjigja e Brukselit është e qartë: Qeveria ka shkelur ligjin! Përgjigja e Komisionit Europian qartësisht i jep të drejtë opozitës për shqetësimet kryesore. Patëm të drejtë kur u shprehëm se ligji shkel parimin e konkurrencës. Patëm të drejtë edhe kur akuzuam qeverinë se kishte një paracaktim dhe klient preferencial, si ' Fusha shpk'. Prandaj dhe qeveria shpiku ligjin ' FUSHA': për t'i grabitur tokën Teatrit Kombëtar dhe për t'ia dhuruar atë kësaj kompanie me qëllim ndërtimin e kullave me paratë e pista të drogës dhe korrupsionit", tha dje Tabaku. Ajo tha se përgjegjëse për vlerësimin e ligjit shqiptar është Gjykata Kushtetuese, e cila, sipas Kreu i Komisionit të Integrimit, Genc Pollo, e ka quajtur si fitore qëndrimin e KE- së për Ligjin e Teatrit Kombëtar. "BE, pas kërkesës tonë, konstaton se Ligji ' Fusha shpk' ka shkelur legjislacionin europian për prokurimin publik. Ky ligj shmang garën e hapur dhe i fal 205 milionë euro kompanisë së dy Lalëve. BE detyron dy Lalët të bëjnë ligj të ri dhe të lejojnë garën. Kjo është fitore e një beteje. Falënderime Komisionit Europian. Edhe këto beteja do t'i fitojmë. Lufta vazhdon", shkruan Pollo. saj, është bllokuar qëllimisht nga maxhoranca. "Partia Demokratike zotohet se do të luftojë deri në sekondën e fundit për ta rrëzuar një herë e mirë ligjin dhe megaaferën korruptive kriminale të grabitjes dhe shkatërrimit të Teatrit Kombëtar për të pastruar paratë e pista të drogës", tha dje Tabaku.