Thaçi në Preshevë? Ja çfarë mendon Brnabiç

Bashkimi Europian ka reaguar mbi fjalimin e Presidentit të Serbisë, Aleksandar Vuçiç, në Mitrovicë, ku ka lartësuar ishPresidentin e luftës, Sllobodan Millosheviç, si një lider të madh.

Fjalimi i Vuçiç, një ish- ndjekës i Millosheviç, është komentuar edhe nga mediat ndërkombëtare. “Pajtimi, normalizimi dhe marrëdhëniet e mira fqinjësore do të jenë të mundshme vetëm nëse politikat e së kaluarës refuzohen dhe tejkalohen”, kështu u shpreh zëdhënësja e Komisionit Europian, Maja Kocijancic, e cila shtoi se këto politika kanë shkaktuar dekada me vuajtje për Ballkanin Perëndimor dhe për popujt aty. Kocijancic u pyet nga një gazetar në Bruksel për qëndrimin e Bashkimit Europian mbi deklaratën e së dielës të bërë nga Presidenti serb Aleksandar Vuçiç, i cili tha se ish- Presidenti serb, “Millosheviç ishte një lider i madh që kishte qëllimet më të mira”. Zyra e shefes së politikës së Jashtme të BE- së, Federica Mogherini, tha se “nuk duhet të ketë hapësirë, dykuptimësi ose respekt për ata që kanë kryer ato politika apo veprime”. Në reagim thuhej se: “Rregullat për forcat ndërkombëtare dhe rregullat e brendshme janë të qarta... pajtimi dhe marrëdhëniet e fqinjësisë së mirë janë thelbi, mbi të cilin mbështetet Bashkimi Europian”. Sipas Koçijançiç: “Të gjithë partnerët në rajon kanë një perspektivë të qartë europiane dhe prandaj kërkohet që t’i respektojnë këto parime”. Ajo kujtoi deklaratën e Presidentit të Komisionit Europian, JeanClaude Juncker, se “nacionalizmi nuk ka prodhuar kurrë zgjidhje, por vetëm probleme”. Fjalimi i Vuçiç është komentuar edhe nga mediat ndërkombëtare. “Washington Post” ka publikuar të hënën një artikull për vizitën e Presidentit serb, Aleksander Vuçiç, në Kosovë, i cili nga Veriu i Kosovës i thuri lavde Sllobodan Millosheviçit. “Lëvdatat dhe deklaratat e Presidentit serb, Aleksander Vuçiç, në Kosovë për Sllobodan Millosheviçin kanë nxitur reagime të ashpra në shtetet ku politika nacionaliste e tij gjatë viteve ‘ 90 ka shkaktuar shkatërrim dhe gjak-

Kryeministrja serbe, Ana Brnabiç, nuk ka deklaruar qartë nëse do ta lejojë apo nuk do ta lejojë Presidentin e Kosovës që të vizitojë Luginën e Preshevës, në territorin që ai kërkon të përfshijë në bisedimet me Serbinë, për ta bërë pjesë të Kosovës me teorinë e korrigjimit të kufijve. “Nuk kemi asnjë paralajmërim. Së pari duhet Thaçi t’i drejtohet qeverisë së Serbisë. Do të shohim se çfarë do t’i thotë qeverisë së Serbisë dhe më pas do të vendosim”, ka thënë Bërnabiç duke shtuar se “Serbia është vend i cili mund të sigurojë çfarëdo vizite sepse është e qëndrueshme dhe ka sovranitet”, duke ironizuar mbi protestën e Drenicës. Sipas Brnabiç, fjalimi i Vuçiç në Mitrovicën e Veriut është “historik” sepse “ka ofruar perspektivën e Serbisë së re, e cila nuk ka pretendime të fitojë në luftëra por në ekonomi”. Brnabiç i quajti politikanët e Kosovës si politikanë të luftës, duke u zotuar të ndjekë porositë paqësore të Vuçiç. derdhje”, ka shkruar “Washington Post”. Millosheviç, i cili vdiq në vitin 2006 gjatë kohës që kundër tij po mbahej gjyqi për krime lufte, konsiderohet si njeriu më përgjegjës për ndarjen e përgjakshme të ishJugosllavisë, dhe vrasjen e më shumë se 120 mijë njerëzve. Në artikullin e “Washington Post” citohet edhe deklarata e Presidentit Thaçi, i cili e quajti provokim një lëvdatë të tillë nga Vuçiç. “Dëgjuam duke u folur për paqe, mirëkuptim dhe marrëdhënie të mirë fqinjësore. Por, gjithashtu, dëgjuam sesi lavdërohej Millosheviç dhe gjeneralët e tij. Këto dy gjëra nuk shkojnë së bashku”, ka shtuar Presidenti i Kosovës. Gazeta amerikane mbyll artikullin me kujtesën se Vuçiç, gjatë kohës së luftës në Ballkan, ishte ministër i Millosheviçit.