Zv. ministri i Brendshëm: Rendi nuk matet me raste të veçuara
Lamallari: Etiketimet për krimin kanë qëllim të qartë politik
Për zv. ministrin e Brendshëm, Besfort Lamallari, situata e rendit dhe siguria publike maten në tërësi dhe jo me raste të veçuara.
Ndërsa sipas tij, fokusimi në disa raste të veçanta për të dalë në konkluzione dhe etiketime të ndryshme, ka qëllim të qartë propagandistik dhe politik. Përmes një statusi në profilin e tij të "Facebook", të shoqëruar edhe me grafikët e numrit të vrasjeve që nga viti 2006 e në vazhdim, zv. ministri i Brendshëm tregon se Shqipëria nuk është vendi i krimit, edhe pse si në çdo vend tjetër, edhe në vendin tonë ka kriminale. Por, sipas tij, këto deklarata që bëhen nga kundërshtarët politikë, shërbejnë për përdhosjen e padrejtë të imazhit të vendit. Zv. ministri i Brendshëm shprehet se numri i përgjithshëm i krimeve që ndodhin në vend dhe krahasimi me vitet e mëparshme tregon nëse vendi është sot më i sigurt dhe aftësia parandaluese e Policisë është rritur.
STATISTIKAT Zv. ministri i Brendshëm publikoi dje në profilin e tij të "Facebook" 3 grafikë, që pasqyrojnë numrin e vrasjeve të ndodhura nga viti 2006 në Shkodër, por edhe 3 qytete të tjera të konsideruara si problematike. Sipas një prej grafikëve ku pasqyrohen statistikat për Shkodrën, Durrësin, Tiranën dhe Elbasanin, numri i vrasjeve ka pësuar rënie. Përkatësisht në Shkodër, në vitin 2010 kanë ndodhur 18 vrasje, në 2013n 11, në 2017- n 6, ndërsa në deri në shtator të vitit 2018 kanë ndodhur 8 vrasje. Në Durrës, në vitin 2010 kanë ndodhur 15 vrasje, në vitin 2013 kanë ndodhur 13, në 2017- n 6 dhe deri në shtator të këtij viti kanë ndodhur 4 vrasje. Në Tiranë kanë ndodhur 25 vrasje në vitin 2010, 31 vrasje në vitin 2013, 9 vrasje në vitin 2017 dhe 6 vrasje deri në shtator të këtij viti. Ndërsa në Elbasan kanë ndodhur 11 vrasje në vitin 2010, 4 vrasje në 2013- n, një në 2017- n dhe një deri në shtator të këtij viti. Numri më i lartë i vrasjeve që ka ndodhur
VRASJE
kanë ndodhur në Shkodër nga janari e deri në gusht të këtij viti, nga të cilat 4 janë zbardhur nga Policia. Ndërsa numri më i lartë i vrasjeve në këtë qytet është shënuar në vitin 2008, kur kanë ndodhur 19 vrasje, nga të cilat janë zbuluar 15 në qytetin e Shkodrës, saktësisht 19 me 15 të zbuluara, ka qenë viti 2008. Sa i përket këtij viti, për periudhën janargusht, atje kanë ndodhu 8 vrasje, prej të cilave 4 janë zbuluar.
ZV. MINISTRI "Situata e rendit dhe sig- uria publike maten në tërësi dhe jo me raste të veçuara. Numri i përgjithshëm i krimeve që ndodhin në vend dhe krahasimi me vitet e mëparshme tregon nëse vendi është sot më i sigurt dhe aftësia parandaluese e Policisë është rritur", u shpreh dje përmes një reagimi në "Facebook", zv. ministri i Brendshëm, Besfort Lamallari. Sipas tij, fokusimi në raste të veçuara për të dalë në konkluzione të përgjithshme dhe etiketime si, "situata ankthi", "qytetarë të tmerruar", "Shkodra si Palermo" dhe "Shqipëria si Kolumbia" është i gabuar dhe ka qëllim të qartë propagandistik dhe politik. "Rëndësi ka të goditet kundërshtari politik pa kush pyet për përdhosjen e padrejtë të imazhit të vendit. Dhe inatin pastaj e kemi me holandezët apo fqinjët që ' nuk na e duan të mirën'!! Shqipëria pa dyshim nuk është ' vend i krimit' dhe natyrshëm, si kudo tjetër, edhe këtu ka kriminelë. Por si rrallëkund tjetër, këtu gjen politikanë batakçi dhe të paaftë, si Basha & Co me mungesë të theksuar karakteri prej shtetari dhe vizioni për të ardhmen e vendit!", shprehet Lamallari.