Rikthehet Edlira Mema! Kush është djali simpatik që i ka “rrëmbyer” zemrën Miss Shqipërisë
Shqipëria ka nxjerrë shumë Miss- e pas viteve 90’, por pak prej tyre janë ngulitur thellë në memorien tonë. Njëra prej tyre është edhe Edlira Mema, brunia bukuroshe që u shpall “Miss Shqipëria” në vitin 2005!
Ndryshe nga shumë Miss- e të tjera, ajo nuk zgjodhi të bënte një jetë publike, apo të shfaqej shpesh në media, edhe pse ofertat në këtë drejtim nuk i kanë munguar. Pas kurorës së Miss- it, Edlira mori pjesë edhe në kompeticione të tjera bukurie jashtë vendit, ku korri mjaft sukses, pasi rrëmbeu çmimin e “Miss Globe” dhe “Miss Turizmi” në Kinë dhe në Maltë. Tashmë, Edlira është diplomuar si juriste dhe prej disa vitesh është pjesë e administratës shtetërore, në Ministrinë e Energjitikës, pranë AKBN- së, Agjencia Kombëtare e Burimeve Natyrore.
Por, së fundmi, kemi të reja edhe nga jeta e saj private, pasi Edlira është fejuar me një djalë mjaft simpatik nga Tirana. Nga fotot që kemi mundur të sigurojmë përmes burimeve tona, dyshja duket shumë e lumtur pranë njëri- tjetrit dhe këtë verë kanë shëtitur anembanë botës nga Amsterdami në Gjermani e shumë vende të tjera të botës.
Sipas burimeve të afërta pranë çifitit, mësuam se djali quhet Olsi, ai është një ekonomist mjaft i zoti, flet disa gjuhë të huaja dhe tashmë e ka ndërtuar jetën e tij në Gjermani, ku dhe çifti pritet të zhvendoset së shpejti për të jetuar së bashku.
Edhe pse kanë kaluar më shumë se 10 vite që nga momenti kur Edlira u shpall “Miss Shqipëria”, ajo çka të bie në sy, ndërsa sheh fotot e saj, është e njëjta freski dhe bukuri njëlloj si atëherë. Të afërt të Edlirës tregojnë se ajo është e lidhur shumë me familjen e saj, prindërit dhe motrën, por sidomos me të ëmën.
Në fotot e saj gjatë pushimeve e sheh shumë shpesh të shoqëruar nga e ëma, zonja Lida Mema, një grua mjaft fisnike, prej nga duket se Lira ka trashëguar edhe bukurinë. Përveç të qenit nënë e bijë, të dyja i bashkon edhe një pasion dhe dashuri e madhe për kafshët; pasi janë kujdesur për shumë kafshë në nevojë, duke bashkëpunuar me shoqata të ndryshme në mbrojtje të tyre.
Edlirës i urojmë jetë të lumtur me njeriun që ka zgjedhur të ketë në krah dhe shpresojmë që të rishfaqet sërish me lajme të bukura.