SI U ZVOGËLUA PUSHTETI I MERKEL
Në zgjedhjet e vitit 2017, Alternativa kundër Imigracionit për Gjermaninë ( AfD) hyri në Parlament për herë të parë dhe Merkel duhej të riorganizonte qeverinë e saj. Udhëheqësi i CSU, Horst Seehofer, i cili e kishte quajtur trajtimin e krizës së refugjatëve nga Merkel si të padrejtë, u bë ministër i Brendshëm. Ai i dha Maassen mbulesë politike për të shtyrë agjendën e tij të sigurisë, të cilën ai e bëri siç duhet. Në një intervistë me “Reuters” në janar, Maassen, 55, bëri thirrje për një rishikim të ligjeve mbi mbikëqyrjen e emigrantëve. rejtje, e cila nuk mund të tolerohej. Sipas disa analistëve politikë në Gjermani, kaq do të mjaftonte që një kancelar ta shkarkonte nga detyra një drejtues Inteligjence. Por ajo nuk mundet, pasi Maassen gëzon mbështetje të fortë të konservatorëve bavarezë të partisë simotër të Merkel në koalicionin qever- itar, CSU. Merkel, edhe pse mbetet lidhja më e fortë në BE, nuk i ka pozitat shumë të forta në vend. Ajo ka mbetur “peng” mbi këtë vendim nga partia bavareze CSU, e cila mbështet Maassen dhe partneri tjetër i koalicionit, Socialdemokratët e majtë ( SPD), të cilët thonë se Maassen ka humbur be- sueshmërinë dhe duhet të shkojë. Rezultati është se Kancelarja duket e dobët, koalicioni i saj është në krizë dhe ajo është më pak e aftë të merret me çështje të ngutshme si Brexit, reforma e Bashkimit Europian dhe problemet tregtare me Shtetet e Bashkuara, sipas “Reuters”. “Maassen nuk është një rast i izoluar. Maassen është pjesë e komunitetit të sigurisë”, tha Robin Alexander, autor i “Die Getriebenen”. “Për këtë komunitet të sigurisë, vjeshta e vitit 2015 ( hyrja e një milion emigrantëve në Gjermani) ishte një fatkeqësi”. Përplasjet kanë nisur që në tetor 2015, kur Merkel ngarkoi shefin e stafit të saj, Peter Altmaier, në krye të përgjigjes së Gjermanisë për krizën e emigracionit. Privatisht, Maassen ishte ankuar mbi vështirësitë e mbajtjes së të dhënave të refugjatëve dhe vlerësimit nëse kjo përbënte rrezik sigurie. Që atëherë, kanë nisur përçarjet mes komunitetit të Inteligjencës dhe Merkel.