Vrau në ’ 97, “vetëpunësohet” në shkolla për shpërndarje droge
DURRES- Furnizonte shkollat me lëndë narkotike, arrestohet 46- vjeçari, ish- i dënuar për vrasje në vitin ‘ 97. Ardian Llana u arrestua në flagrancë nga agjentët e Antidrogës, ndërkohë që ushtronte aktivitetin kriminal. Operacioni “Fusha e Rërës” është kryer në kuadër të masave për goditjen e personave që tentojnë të shpërndajnë lëndë narkotike në shkolla, ku është sekuestruar heroinë dhe cannabis sattiva. Mësohet se 46vjeçari, ish- i akuzuar për “Vrasje me dashje” në bashkëpunim me të birin, po mbahej nën vëzhgim prej disa ditësh. Blutë zbuluan se ai kishte nisur aktivitetin e tij kriminal me fillimin e vitit të ri shkollor. Policia kishte informacioni se Llana ishte shpërndarës i lëndëve narkotike dhe ka pritur momentin për të vënë në zbatim operacionin “Fusha e Rërës”. Që pasi kishte dalë nga qelia ku vuante dënimin për vrasje me dashje, Llana ishte kthyer në një problem serioz për Policinë Lokale, pasi përpos shpërndarjes së lëndëve narkotike, ishte edhe konfliktual dhe konsumator i pijeve alkoolike. Nga hetimet e zhvilluara mësohet se 46- vjeçari kishte bashkëpunëtorë në ambientet e shkollave ( nxënës shkollash) ku shpërndante lëndë narkotike, të cilët bënin ndërmjetësin. Edhe ata janë pikasur nga Policia, por pritet që agjentët e Antidrogës të ndërhyjnë në një moment të dytë. Madje, agjentët kanë kërkuar në drejtoritë përkatëse të shkollave informacione për këta nxënës, që dyshohet se bashkëpunonin me Llanën duke pasur përfitime financiare. Burime të Policisë bënë të ditur se Policia Kriminale e Durrësit dispononte in- formacione se shtetasi Ardian Llana, i dënuar më parë për vrasje, posedon armë zjarri dhe lëndë narkotike të llojit cannabis dhe heroinë, që tentonte t’i shpërndante në afërsi të shkollave. Sipas Policisë, 46- vjeçari u arrestua në afërsi të një shkolle, teksa tentonte të takonte kontak- tet ( nxënësit) që të shpërndante lëndën narkotike. “Gjatë kontrollit, shtetasit Ardian Llana iu gjet dhe iu sekuestrua në cilësinë e provës materiale një sasi lënde narkotike cannabis sattiva dhe doza heroine ( 56 gramë canabis dhe 7 doza heroinë)”, thuhej në njoftimin e Policisë.