LISTA E RE E FINANCAVE
Të përndjekurit, emrat që marrin 6 milionë USD
Ministria e Financave do ndajë 6 milionë USD për të përndjekurit. Skema e re e ndarjes së fondeve. Emrat e trashëgimtarëve që marrin këstin e dytë
Janë ende edhe 6 milionë dollarë të pandara nga fondi vjetor i adresuar për dëmshpërblimin e ish- të përndjekurve, të cilat do të ndahen brenda këtij viti.
Ministria e Financës ka publikuar dje listën e radhës me emrat e trashëgimtarëve që kanë gati këstin e dytë. Bëhet fjalë për më pak se 100 dosje të shqyrtuara, nga ku përfitues janë rreth 350 familje në të gjithë vendin. Gazeta boton sot listën e plotë të përfituesve, të cilët duhet të dorëzojnë pranë sektorit të pagave dhe dëmshpërblimeve kopje të kartës së identitetit, numër llogarie bankare, certifikatë vdekjeje, certifikatën e trungut familjar, dëshmi trashëgimie dhe prokurë në rastet kur pagesa do të bëhet në emër të një trashëgimtari të vetëm. Sipas Financave, për dorëzimin e këtyre dokumenteve këto familje kanë afat 3 muaj.
FONDI
Me fondin e mbetur, përparësi do të ketë ndarja e këstit të nëntë për kategorinë parësore, pra, për të dënuarit që jetojnë. Paralelisht me dëmshpërblimin e tyre do të vijohet edhe me
6 MILIONE dollarë kanë mbetur nga fondi vjetor për dëmshpërblimin e ish- të përndjekurve. Ndarja e këtyre parave do të bëhet brenda këtij viti ku përparësi do të kenë të dënuarit që jetojnë
ndarjen e këstit të dytë për trashëgimtarët. Gjithsej janë rreth 500 përfitues të radhës së dytë dhe të tretë, të cilët do të kenë mundësi të marrin këtë pagesë brenda këtij viti. Ndryshimet e miratuara në ligjin për dëmshpërblimet i hapin rrugë edhe dëmshpërblimit të plotë të 1200 të dënuarve. Këta familjarë nuk do të jenë të detyruar t'i nënshtrohen skemës së pagesës me këste. Likuidimi i tyre do të bëhet i plotë, duke qenë se vlera e dëmshpërblimit që iu është miratuar është më e vogël se 10 milionë lekë të vjetër. "Në kuadër të shmangies së burokracive dhe të lehtësimit të ish- të dënuarve politikë të regjimit komunist, është menduar likuidimi me anë të një kësti ( pagese) të vetme, të të gjithë vlerës totale të dëmshpërblimit, në ato raste kur vlera e miratuar me vendim të Këshillit të Ministrave është deri në 1 milion lekë", përcaktohet në ndryshimet ligjore.
PËRFITUESIT
Gjithsej janë rreth 200 të dënuar, që presin të marrin dëmshpërblimin e mbetur për vitet e burgut që kanë kryer në komunizëm. Sakaq, kur të gjithë ata që jetojnë të kenë përfituar në mënyrë të plotë pagesën e përcaktuar me vendim qeverie, është menduar që i gjithë fondi vjetor të shkojë për trashëgimtarët. Janë mbi 13 mijë të dënuar, që u është njohur e drejta e dëmshpërblimit.