Babai i vrau të dashurin, vajza: Do e çoj në fund dëshirën tënde

Statusi i 23- vjeçares në rrjetet sociale: Shumë ëndrra ishim duke u munduar t’i realizonim mes kësaj situate të rrëmujshme

Tri ditë pasi babai i vrau të dashurin 38vjeçar, pas një sulmi brutal me kaçavidë, vajza i ka bërë një dedikim Olsi Lelos, në rrjetin social “Instagram”, duke i premtuar se do të çonte deri në fund dëshirën e tij.

Në asnjë moment ajo nuk e përmend të atin, tashmë i arrestuar për vrasje, por kujton ëndrrën e ndërprerë në mes, që, siç shprehet ajo, po mundoheshin ta realizonin mes një situate të rrëmujshme. Vajza 23vjeçare e autorit të ngjarjes, njëkohësisht e dashura e viktimës, ishte me urdhër mbrojtjeje, dhënë nga Gjykata e Fierit. Disa javë më parë ajo ishte paraqitur në Policinë e Fierit, ku kishte denoncuar për dhunë në familje të atin, Razmi Çaushaj, i cili për shkak të lidhjes që ajo kishte në Tiranë me 38- vjeçarin, Olsi Lelo, e kishte dhunuar fizikisht e psikologjikisht. Policia kishte plotësuar kërkesëpadinë për lëshimin e urdhrit të mbrojtjes ndaj saj, duke nisur edhe procedim penal ndaj 51vjeçarit Çaushaj. Ndërsa Gjykata kishte pranuar kërkesëpadinë dhe kishte lëshuar urdhrin e mbrojtjes për 23- vjeçaren.

NGJARJA Policia e Tiranës njoftoi të mërkurën, se rreth orës 10: 15, në zonën e “Unazës së Re”, kishte arrestuar shtetasin Razmi Çaushaj, pasi kishte plagosur rëndë me thikë 38- vjeçarin Olsi Lelo. Ndërsa sqaroi se i plagosuri ishte transportuar në spital dhe ndodhej nën kujdesin e mjekëve. Një ditë më pas, të enjten rreth orës 14: 20, Policia tha se i plagosuri kishte ndërruar jetë në spital. Burimet sqaruan se ngjarja kishte nisur në rrugë e më pas ishte mbyllur në ambientet e brendshme të një lokali, ku autori qëlloi tri herë me kaçavidë 38- vjeçarin, që dje ndërroi jetë. Nga deklarimet që u janë marrë dhjetëra dëshmitarëve, në rrugë dhe në lokal, janë sqaruar edhe rrethanat e ngjarjes. Mësohet se autori, Razmi Çaush- aj, kishte udhëtuar nga Fieri, ku jeton me familjen, drejt Tiranës për të parë se çfarë bënte vajza e tij, nëse takohej apo jo me të dashurin, që ai ia kishte “ndaluar”. Vajza 23- vjeçare e viktimës jeton pranë zonës ku ndodhi ngjarja, në një apartament me qira, pasi njëkohësisht ndjek studimet, por edhe punon në një klinikë mjekësore, pranë së cilës janë takuar të mërkurën autori me viktimën. Pikërisht në atë vend, Çaushaj është takuar me Lelon, të cilin e ka sulmuar menjëherë dhe ka nisur ta kërcënojë. “Do të vras. Të kam thënë që do të ta ha zemrën”, mësohet t’i ketë thënë autori të dashurit të vajzës, i cili ka vrapuar të largohet në momentin që 51vjeçari ka nxjerrë nga xhepi kaçavidën. Dëshmitarët thonë se ai e ka ndjekur për rreth 100 metra deri te lokali ku më pas ndodhi ngjarja. Viktima është futur me nxitim në lokal dhe ka mbyllur derën, duke dashur të mbrohej. Por autori e ka hapur derën me forcë dhe pasi është futur brenda, e ka goditur.