ÇELA: NUK KAM ASNJË KONFLIKT
I vënë tritol para derës së shtëpisë, Policia dyshon për paralajmërim.
Një shpërthim me tritol ka tronditur lagjen “Isa Boletini” në Vlorë në orët e para të së dielës. Ngjarja ka ndodhur rreth orës 03: 20, ku shpërthimi ndodhi në katin e katërt të një pallati. Sasia e lëndës eksplozive ishte vendosur pranë banesës së 43- vjeçarit Jovan Çela. Nga shpërthimi nuk ka pasur persona të lënduar, por janë shkaktuar vetëm dëme materiale. Por, shpërthimi ka traumatizuar familjarët e 43- vjeçarit si edhe banorë të tjerë të pallatit. Pak pas shpërthimit, në vendin e ngjarjes shkuar forcat e Policisë së Vlorës, të cilat kanë nisur hetimet për zbardhjen e plotë të saj dhe identifikimin e autorëve. Mësohet se në momentin e shpërthimit, Jovan Çela nuk ndodhej në banesë, por brenda saj ishte bashkëshortja dhe dy fëmijët e 43- vjeçarit. Si pasojë e shpërthimit, ka pasur dëmtime në derën e banesës së Çelës, por edhe në tavan. Nga hetimet paraprake, sipas Policisë, sasia e lëndës eksplozive tritol ka qenë në përmasa të vogla, ndaj edhe dëmet nuk kanë qenë të mëdha. Pas ngjarjes, 43- vjeçari Çela, i cili ka mbërritur në banesë, është shoqëruar për të dhënë detaje pranë grupit hetimor. Mësohet se rreth 5 vjet më parë, Çelës i është djegur edhe një automjet, por në atë kohë nuk u saktësua nëse kishim të bëjmë më zjarrvënie të qëllimshme apo djegie të automjetit nga shkaqe aksidentale. Burime nga Policia e Vlorës kanë saktësuar se bëhet fjalë për një paralajmërim në drejtim të Jovan Çela, por ende nuk dihet se pse ka ardhur një gjë e tillë. Autorët kanë pasur si qëllim vetëm trembjen e 43- vjeçarit apo një Gjatë marrjes në pyetje në Komisariatin e Policisë në Vlorë, Jovan Çela ka deklaruar se nuk ka asnjë konflikt të hapur me persona të tjerë lidhur me shpërthimin e ndodhur para banesës së tij në lagjen “Isa Boletini” në qytetin bregdetar. 43- vjeçari ka konfirmuar para grupit hetimor se kohët e fundit nuk ka pasur debate në aktivitetin e tij tregtar apo ndonjë grindje të momentit, që mund të çonte në këtë ngjarje. Por, pavarësisht kësaj, nisur edhe nga precedenti i djegies së makinës, Policia dyshon se gjithçka ka ardhur për shkak të biznesit të tij. paralajmërim ndaj tij. Ndërkohë, mësohet se Çela nuk rezulton person me precedent penal. Pista kryesore mbetet ajo e aktivitetit të tij, pasi zotëron një pikë servisi për ngjitje plastike, ndërsa i vëllai, me të cilin ka punuar edhe 43- vjeçari zotëron një zdrukthari. Por Policia nuk përjashton mundësinë që ngjarja të ketë ardhur nga ndonjë grindje e mundshme me persona të tjerë, pavarësisht se diçka e tillë, gjatë deklaratave të Jovan Çelës, është hedhur poshtë. Grupi hetimor ka kërkuar të sekuestrojë pamje filmike të ndonjë subjekti aty pranë, por vendi ku ndodhet pallati nuk ka subjekte me kamera, ndaj edhe ky fakt vështirëson identifikimin e autorit apo autorëve të ngjarje. “Më datë 23.09.2018, në orën 03: 20, në lagjen ‘ Isa Boletini’, në katin e 4- t të një pallati pranë hyrjes ( derës), pronë e shtetasit J. Ç, 43 vjeç, ka shpërthyer një sasi lëndë plasëse. Si pasojë e shpërthimit nuk ka dëme në njerëz, por ka vetëm disa dëme të pjesshme materiale”, bën me dije Policia, duke shtuar se po punon për zbulimin e autorëve përgjegjës.